काठमाडौं । नेपालका लागि पाकिस्तानका राजदूत सैयद हैदर शाहले पूर्वप्रधानमन्त्री एवं नेकपा एमालेका अध्यक्ष केपी शर्मा ओलीसँग शिष्टाचार भेटवार्ता गरेका छन् ।
अध्यक्ष ओलीलाई भेटगर्न राजदूत शाह आज बिहान ओली निवास बालकोट पुगेका थिए । भेटवार्ताको क्रममा नेपाल नेपाल–पाकिस्तान द्विपक्षीय सम्बन्धलाई सुदृढ बनाउने विषयमा छलफल भएको थियो । भेटका क्रममा अध्यक्ष ओलीले दुई देशबीचको सम्बन्ध अझ प्रगाढ बनोस भन्ने चाहना व्यक्त गरेका थिए ।
दुई देशबीचको सम्बन्धलाई थप सुदृढ बनाउन नेपालको राजनीतिक नेतृत्वसँगको पहुँचको एक हिस्साको रुपमा ओलीसँग शिष्टाचार भेट भएको पाकिस्तानी दूतावासले जनाएको छ । त्यसअवसरमा राजदूत शाहले केपी शर्मा ओलीको कार्यकालमा द्विपक्षीय सम्बन्धलाई प्रगाढ बनाउन महत्वपूर्ण योगदान पुर्याएको भन्दै प्रशंसा गरेका थिए । उनले सार्कको पुनरुत्थानका लागि गरेको प्रयासको पनि स्मरण गरेका थिए ।
राजदूत शाहले केपी ओलीले ‘पाकिस्तानको मित्र’का रूपमा नेपाल–पाकिस्तान सम्बन्धमा निरन्तर योगदान दिने विश्वास समेत व्यक्त गरेका थिए।
प्रतिक्रिया