बुटवल । लकडाउन फितलो भएको र कडाई गर्न नसकेको आरोप खेपिरहेका इलाका प्रहरी कार्यालय बुटवलका प्रमुख डीएसपी भीमलाल भट्टराईलाई अकस्मात प्रदेश प्रहरी कार्यालय दाङ तानिएको छ । ५ नम्बर प्रदेश प्रहरी कार्यालयले उनीमाथि केहि अनुसन्धान गर्नुपर्ने देखिएकाले प्रदेश प्रहरी कार्यालय बोलाईएको जनाएको छ ।
अनुशासन र आदेशको पालना नगरेको आरोपमा कारबाही गरिएको बताईएपनि प्रदेश प्रहरी प्रमुख डिआईजी रबिन्द्र धानुकले केहि अनुसन्धान गर्नु पर्ने देखिएकाले तानिएको बताउनु भयो । डिएसपी भट्टराईलाई बुधबार बिहानदेखि उक्त कार्यालयको जिम्मेवारीबाट हटाइएको छ । १, २ दिन भित्रै अर्को ईलाका इन्चार्ज पठाईने डिआईजी धानुकले बताउनु भयो ।
डीएसपी भट्टराईलाई कारबाही गरिएको कसुर भने प्रहरीले खुलाएको छैन ।
मुख्यमन्त्रीको स्कर्टिङ गर्ने विषयमा उनले बेवास्ता गरेको, आफूभन्दा माथिल्ला प्रहरी अधिकृतले दिएको आदेशको पालना नगरेको र समन्वय नगरेको आरोपमा उनलाई उक्त कार्यालयको जिम्मेवारीबाट हटाइएको प्रहरी स्रोतले जनाएको छ ।
प्रतिक्रिया