काठमाडौं । स्वास्थ्य तथा जनसंख्या मन्त्रालयले मन्त्रालयमा संचारकर्मीको पहुँचमा रोक लगाएको छ ।
कोरोना भाइरससम्बन्धी सूचना चुहिएको भन्दै मन्त्रालयले संचारकर्मीहरुलाई अघोषित रुपमा रोक लगाएको हो ।
समाचार संकलनका लागि परिचयपत्र देखाएर मन्त्रालय भित्र प्रवेश पाउने यसअघिको सहज व्यवस्थालाई रोकिएको छ । कुनै पनि संचारकर्मीलाई नभेट्न र सूचना नदिन मन्त्रालयका वरिष्ठ अधिकारीहरुले मातहतका कर्मचारीलाई निर्देशन दिएका छन् ।
स्वास्थ्य मन्त्रालयले दैनिक अपरान्ह कोरोना अपडेटका लागि नियमित पत्रकार सम्मेलन गर्ने गरेको छ ।
यसबाहेक प्रेस विज्ञप्तिमार्फत पनि कोरोनाबारे सूचना दिइरहेको छ । तर, विशेष खोजका लागि मन्त्रालयमा प्रवेश चाहने संचारकर्मीलाई भने बुधबारबाट रोक लगाइएको छ ।
प्रतिक्रिया