जिएमइ रेमिट र फेडरल एक्स्चेन्ज बिच रेमिट्यान्स सम्झौता

काठमाडौ ।जिएमइ रेमिट प्रा.लि र युएइ स्थित मनी एक्स्चेन्ज कम्पनी फेडरल एक्स्चेन्ज  बिच रेमिट्यान्स सम्झौता भई कारोबार सुरु भएको छ ।

उक्त सम्झौतामा नेपालका जिएमइ रेमिट प्रा.लि को तर्फबाट प्रबन्ध निर्देशक तथा प्रमुख कार्यकारी अधिकृत दिवाकर पौडेल र फेडरल एक्सचेन्जको तर्फबाट रजह आर आर लियानागे ले हस्ताक्षर गरेका हुन् ।

यो सम्झौतासँगै युएइमा रहेका नेपालीहरुले फेडरल एक्सचेन्जका कुनै पनि ११ शाखाबाट जिएमइ रेमिट मार्फत नेपालमा रहेका आफन्तलाई पैसा पठाउन सक्नेछन् ।

यसरी पठाएको रेमिट्यान्स रकम नेपालमा रहेका जिएमइ रेमिटसँग आवद्ध २०,००० भन्दा बढी एजेन्टमार्फत सजिलै भुक्तानी लिन सकिने छ ।

साथै नेपालमा रहेका जुनसुकै बैंक तथा बित्तिय संस्थाहरुमा तुरुन्त रकम भुक्तानी लिन मिल्ने गरी Real Time Deposit गर्न सकिने र यसका साथै IME Pay Wallet मा पनि सजिलै पैसा पठाउन र पाउन सकिनेछ ।

विश्वका विभिन्न मुलुकहरुबाट नेपालमा रेमिट्यान्स भित्र्याउँदै आएको जिएमइ रेमिट ले पछिल्लो समय आफ्नो सेवा विस्तार र ग्राहकको सहजताका लागि रेमिट्यान्स सम्झौतालाई तिब्रता दिदै आएको छ ।