काठमाडौ । महोत्तरीको बर्दिबासस्थित नेपाली सेनाको मध्यपूर्वी पृतनाका सेनापति र एकजना चिकित्सकलाई कोरोना भाइरसको संक्रमण भेटिएपछि सिंगो पृतना नै सिल गरिएको छ ।
शनिबार स्वास्थ्य तथा जनसंख्या मन्त्रालयले महोत्तरीका दुई जनालाई कोरोना संक्रमण भएको पुष्टि गरेको थियो । ति मध्ये एक जना सेनाका पृतनापति र अर्का एक जना सोही पृतनाका चिकित्सक भएको खुलेको छ ।
ब्यारेक सिल गरी कन्ट्याक्ट ट्रेसिङको काम भैरहेको महोत्तरीका प्रमुख जिल्ला अधिकारी सूर्यबहादुर खत्रीले जानकारी दिनुभएको छ ।
संक्रमित चिकित्सक प्रदेश नं. २ का विभिन्न जिल्लाको क्वारेन्टाइन केन्द्रमा रहेका व्यक्तिहरुको कोरोना स्वाब संकलन कार्यमा खटिएका थिए।
कोरोनाको पुष्टि भएलगत्तै दुवै जनालाई काठमाडौंको बलम्बुस्थित शसस्त्र प्रहरीको अस्पतालमा ल्याएर आइसोलेसनमा राखिएको छ । सशस्त्र प्रहरीको अस्पताललाई कोरोना अस्पताल बनाइएको छ ।
प्रतिक्रिया