काठमाडौं । झापा र सुनसरीमा ११ जना कोरोना संक्रमित थपिएका छन् ।
मंगगलबार र झापामा ९ जनामा र सुनसरीमा २ जनामा कोरोना संक्रमण देखिएको प्रदेश १ का मुख्यमन्त्री शेरधन राईका प्रेस संयोजक धु्रव सुवेदीले जानकारी दिनुभएको छ ।
कोशी अञ्चल अस्पताल विराटनगरको प्रयोगशालामा गरिएको परीक्षणमा झापाका थप ९ र बीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा सुनसरीका दुई जनामा कोरोना पोजेटिभ देखिएको हो । झापाका ९ जनाको संक्रमणलाई कोशी अञ्चल अस्पतालका मेडिकल सुपरिटेन्डेन्ट डा. संगीता मिश्रले पनि पुष्टि गर्नुभएको छ ।
झापाका ९ संक्रमित झापाको केचनकवल गाउँपालिकाका हुन् । यस्तै, सुनसरीका संक्रमित इटहरी नयरपालिकाका रहेका छन् । सुनसरीका एक जना संक्रमित सशस्त्र प्रहरीका सुरक्षाकर्मी रहेको बताइएको छ।
योसँगै प्रदेश १ मा कूल संक्रमितको संख्या ५४ पुगेको छ भने झापामा मात्रै १२ जना संक्रमित भएका छन् ।
प्रतिक्रिया