नेपाली भूमिमाथि भारतले गरेको अतिक्रमणको विषयमा भ्रामक र तथ्यहिन विश्लेषण गरेर नेपालमा बद्नाम भएका ‘हेट स्पिच मास्टर’ भारतीय पत्रकार अर्णव गोस्वामी विरुद्ध आत्महत्याका लागि उक्साउने भूमिका खेलेको मामिलामा भारतमा सीआईडी जाँच हुनेभएको छ ।
भारतको महाराष्ट्रका गृहमन्त्री अनिल देशमुखले सन् २०१८ मा टेलिभिजन पत्रकार अर्णव गोस्वामी र अन्य दुई व्यक्तिले आत्महत्याका लागि उक्साएको मामिलामा सीआईडी जाँच हुन लागेको जनाएका छन् ।
भारतीय दैनिक पत्रिका इन्डियन एक्सप्रेसका अनुसार रायगढ पुलिसले गत वर्ष बन्द गरेको आत्महत्या दुरुत्साहनको फाइललाई नयाँ ढंगले अघि बढाउन गृहमन्त्रीले आदेश दिएको जनाएको छ । यो मामिला अन्यव नायक र उनको आमाको मृत्युँग जोडिएको छ, जसको शव मे २०१८ मा अलिबागस्थित बंगलामा भेटिएको थियो । नायकको आमाको आत्महत्याका लागि अर्णव गोश्वामी लगायत अन्य दुई जनाले उक्साएको अभियोग अर्णवमाथि लागेको छ ।
अन्यव नायककी छोरीका अनुसार रायगढ जिल्लास्थित अलिबाग पुलिसले घुस नपाउँदा एक केसको फाइल अघि नबढाएपछि अन्यव र उनकी आमाले आत्महत्या गर्नुपरेको थियो ।
तर, अहिले परिवारले दिएको निवेदनअनुसार महाराष्ट्रका गृहमन्त्रीले नयाँ ढंगले छानविन गर्न आदेश दिएका हुन् ।
प्रतिक्रिया