१६ माघ २०७९, सोमबार | January 30, 2023

गोकुल बाँस्कोटा प्रकरण छानबिन हुनुअघि नै प्रधानमन्त्रीले किन बचाउ गरे ? : काग्रेस सभापति देउवा



काठमाडौ । प्रमुख प्रतिपक्षी दलका सभापति शेरबहादुर देउवाले सेक्युरिटी प्रिन्टिङ प्रेस प्रकरणमा निवर्तमान सञ्चारमन्त्रीले राजीनामा दिएको एक साता बित्दा पनि छानबिन सुरु नहुनु गम्भीर विषयमा भएको बताउनुभएको छ ।

प्रतिनिधिसभा बैठकमा समय लिएर बोल्दै देउवाले निवर्तमान सञ्चार तथा सूचना प्रविधिमन्त्री गोकुल बाँस्कोटाले राजीनामा दिएको एक साताभन्दा बढी समय भए पनि छानबिन सुरु नहुनुको पछाडि गम्भीर नियत लुकेको दाबी गर्नुभयो । उहाले अडियोमा ‘हामी’ भनेर कसलाई भनिएको हो भन्ने विषयमा प्रधानमन्त्रीले प्रष्ट पार्नुपर्ने माग गर्नुभयो ।

एक साता पुग्दा पनि छानबिन नहुनुको पछाडि गम्भीर नियत छ,’ सभापति देउवाले भन्नुभयो, ‘अडियो प्रष्ट सुनिन्छ । हामी भनेका कसलाई भनेका हुन् ? हामीभित्र को को पर्छन् ? प्रधानमन्त्रीले प्रष्ट पार्नुहोस् ।’

छानबिन सुरु नहुँदै प्रधानमन्त्रीले अडियो नक्कली हो भन्दै अभिव्यक्ति दिएपछि छानबिन प्रभावित हुन्छ कि हुँदैन भन्दै सभापति देउवाले प्रश्न समेत गर्नुभयो । ‘छानबिन गर्ने निकायले छानबिन गर्नुभन्दा पहिले नै प्रधानमन्त्रीले अडियो नक्कली भन्नुभयो,’ उहाले भन्नभयो, ‘त्यसले छानबिन प्रभावित हुन्छ कि हुँदैन् ? छानबिन हुनुभन्दा पहिले तपाईले निर्णय दिनुभयो भने तपाईको बोलीको विश्वासनीयता कमजोर भएन ?’

सभापति देउवाले सेक्युरिटी प्रिन्टिङ प्रेस प्रकरणको अनियमितताबाट ध्यान अन्त मोड्न सरकारले नेपाल ट्रष्टको श्वेतपत्र लिएको आरोप समेत लगाउनुभयो । ‘नेपाल ट्रष्टको श्वेतपत्रले सेक्युरिटी प्रेस प्रकरणबाट मुलुकको ध्यान मोड्ने प्रयत्न भएको छ । गोकर्ण रिसोर्टको ध्यान मोड्ने प्रयत्न भएको छ,’ उहाले भन्नरभयो, ‘टेलिकमको प्रकरणमा अर्बो रुपैयाँ भ्रष्टाचार भएको कुरा आएको छ । एनसेलले चार अर्ब रुपैयाँमा सकेको काम एनटिसीर्लाइ १२ अर्ब कसरी लाग्यो ?’

उहाले नेपाल ट्रष्टको श्वेतपत्रमा उल्लेख भएजस्तो आफू प्रधानमन्त्री भएको समयमा कुनै निर्णय नभएको प्रष्टीकरण दिनुभयो । राजनीतिक पूर्वाग्रहका कारण आफ्नो नाम जोडिएको उल्लेख गर्दै उहाले श्वेतपत्रप्रति आपत्ति जनाउनुभयो । उहाले सरकारले पेट्रोलियम पदार्थमा करले जनतालाई भार बढेको भन्दै तत्काल कर हटाउन आग्रह गर्नुभयो ।

सभापति देउवाले कोरोना भाइरस विश्वका ५० भन्दा बढी देशमा फैलिएको उल्लेख गर्दै आवश्यक पूर्व तयारी गर्न सरकारको ध्यानाकर्षण पनि गराउनुभयो । विश्व स्वास्थ्य संगठनले समेत नेपाल कोरोनाको उच्च जोखिममा रहेको भनेकाले सरकारले पूर्व तयारीलाई तीव्रता दिनुपर्ने देउवाको माग छ । उहाले विदेशमा रहेका नेपालीहरुलाई सतर्क रहन पनि आग्रह गर्नुभयो ।

बैठकमा प्रधानमन्त्री केपी शर्मा ओली भने अनुपस्थित रहनुभएको थियो । संसदीय मान्यताअनुसार प्रधानमन्त्री बोल्दा विपक्षी दलको नेता र विपक्षी दलको नेता बोल्दा प्रधानमन्त्री उपस्थित हुने परम्परा रहेको छ ।

प्रकाशित मिति : १८ फाल्गुन २०७६, आइतबार  ४ : ०८ बजे

काठमाडौंका मेयरले राष्ट्रबैंकसँग गरे सहकारीमा रहेको रकम सुरक्षाको आग्रह

काठमाडौं । काठमाडौं महानगरपालिकाका मेयर बालेन शाह र राष्ट्र बैंकका

अन्तःशुल्क नतिरेका विदेशी मदिरा र सुर्तीजन्य पदार्थ बजारमा छ्यापछ्याप्ती

काठमाडौं । राजस्व छली गरेर अवैध रुपमा नेपाल भित्रिएका मदिरा

राष्ट्रिय बीमा संस्थान र बीमा कम्पनीको लेखा परीक्षण तीन महिनाभित्र सम्पन्न गर्न अर्थमन्त्रालयको निर्देशन

काठमाडौं । अर्थमन्त्रालयले तीन महिनाभित्र लेखा परीक्षण सम्पन्न गर्न राष्ट्रिय

माओवादी स्थायी समिति बैठक बुधबार, गृहमन्त्रीबारे छलफल हुने

काठमाडौं । नेकपा माओवादी केन्द्रको आगामी बुधबार बस्ने स्थायी समिति

मध्य जाडोमा पनि भएन न्यानो कपडाको व्यापार

काठमाडौं । यस पटकको जाडो सकिन लाग्यो, आधा माघ कटिसक्यो