१६ चैत्र २०८०, शुक्रबार | March 29, 2024

प्रथम हाप्किडो खुल्ला राष्ट्रिय प्रतियोगिता स्थगित



बुटवल । बुटवलमा पहिलो पटक आयोजना गर्न लागिएको हाप्किडो प्रतियोगिता स्थगित भएको छ । नेपाल मार्सल आर्टस हाप्किडो संघ, प्रदेश ५ र नेपाल मार्शल आर्टस् हाप्किडो संघको आयोजनामा आगामी चैतमा आयोजना गर्ने घोषणा गरिएको प्रथम लुम्बिनी मार्शल आर्टस् हाप्किडो खुल्ला राष्ट्रिय च्याम्पियनसिप प्रतियोगिता कारोना भाइरसका कारण स्थगित गर्नु परेको संघका केन्द्रीय अध्यक्ष कालीबहादुर घर्तीमगरले जानकारी दिनुभयो ।

विश्वभरी भयावहका रुपमा फैलिएको काारोना भाइरस नेपालमा पनि फैलन सक्ने हुदा कुनै पनि भिडभाड हुने खालका कार्यक्रमहरु नगर्ने नेपाल सरकारले निर्णय गरेपछि राष्ट्रिय खेलकुद परिषदले सम्पूर्ण खेल प्रतियोगिता नगर्न निर्देशन दिएको थियो । परिषदको निर्देशन र बर्तमान अवस्थामा जनस्वाश्थ्यको ख्याल गर्दै प्रतियोगिता स्थगित गरिएको अध्यक्ष मगरले बताउनुभयो ।

आगामी चैतको २४, २५ र २६ गतेसम्म राष्ट्रिय स्तरको सो प्रतियोगिता बुटवलमा गर्न लागिएको थियो । प्रतियोगिताको तयारीमा केन्द्रदेखि स्थानियतहका सबै समितिहरु लागिसकेको अवस्थामा प्रतियोगिता स्थगित गर्नु परेकोमा सबैप्रति क्षमा याचना गर्दै सहज अवस्था आएपछि प्रतियोगिताको नया मिति तय गरिने संघले जनाएको छ ।

हाप्किडो प्रदेश ५ का अध्यक्ष सुवास परियारले प्रतियोगिता आयोजना गर्न अहिलेसम्म खटिएका सबैप्रति आभार व्यक्त गर्दै सहयोगिहरुप्रति धन्यवाद प्रकट पनि गर्नु भएको छ ।

प्रतियोगिताको स्थानिय आयोजकका रुपमा रहेको जिल्ला समितिका अध्यक्ष रेशम बहादुर महराले देशभरबाट करिब ५ सय खेलाडीहरु प्रतियोगितामा भाग लिने गरि काम अगाडी बढेको बताउदै स्थगनपछि आन्तरिक तयारी जारी राख्ने बताउनु भएको छ ।

प्रकाशित मिति : २३ फाल्गुन २०७६, शुक्रबार  ५ : २६ बजे

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।

नेपाली सेनाको उच्चस्तरीय राष्ट्रिय सुरक्षा तालिम सम्पन्न

काठमाडौँ । रक्षा मन्त्रालय र नेपाली सेनाको संयुक्त आयोजनामा गत

निर्धारित लागत र समयभित्र आयोजना सम्पन्न हुनेछन् : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले ठूला आयोजनामा भएका कामकारबाहीको