बुटवल । सगरमाथा आवासीय माध्यमिक विद्यालय जोयफुल लनिङ्ग होम देवदह–७, ले किड्स ट्यालेन्स सो तथा पुरस्कार वितरण कार्यक्रम सम्पन्न गरेको छ ।
विद्यालयका प्रार्चाय कृष्णप्रसाद पौडेलको अध्यक्षता र देवदह नगरपालिका–७, का वडाअध्यक्ष पदमबहादुर थापाको प्रमुख आतिथ्यतामा कार्यक्रम भएको हो । सो अवसरमा बोल्ने वक्ताहरुले संस्कार सहितको शिक्षा आजको आवश्यक रहेको बताएका थिए । उनीहरुले वालवालिकालाई शिक्षा संगै संस्कार पनि सिकाउनु पर्नेमा जोड दिएका थिए ।
उनीहरुले पछिल्लो समय समाजमा विकृति विसंगति बढिरहेको भन्दै संस्कार सहितको शिक्षाले मात्र समाज परिवर्तन गर्न सकिनेमा जोड दिएका थिए । कार्यक्रमका वक्ताहरुले व्यवहारिक शिक्षाले मात्र समाज सुधार गर्न सकिने भन्दै सभ्य समाज निर्माणको लागि संस्कार र व्यवहारिक शिक्षा आवश्यक रहेको औल्याएका थिए ।
उनीहरुले अतिरिक्त क्रियाकलापले विद्यार्थीमा रहेको क्षमता प्रस्फुटन गर्न सकिने बताउदै विद्यालयले अतिरिक्त क्रियाकलापलाई समेत ध्यान दिनु पर्ने बताएका थिए । उनीहरुले आफना नानी वावुलाई कस्तो बनाउने भन्ने कुरा अभिभावकमा निर्भर हुनु हुदा वालवालिकालाई घरबाटै नै संस्कार सिकाउनु पर्नेमा जोड दिएका थिए ।
कार्यक्रममा देवदह नगरपालिका–७, का वडाअध्यक्ष पदमबहादुर थापा, विद्यालय व्यवस्थापन समितिका अध्यक्ष डिल्लीराज मरासिनी लगायतले आ–आफना भनाई राख्नु भएको थियो । कार्यक्रममा समाजमा घटेका घटनालाई चित्रण गर्दै साना साना विद्यार्थीहरुले नाटक समेत प्रस्तुत गरेका थिए ।
कार्यक्रममा शैक्षिक सत्र–२०७५ का उत्कृष्ट विद्यार्थी, विद्यालयले आयोजना गरेको विभिन्न अतिरिक्त क्रियाकलापका विजेता विद्यार्थीहरुलाई पुरस्कार प्रदान गरिएको थियो । कार्यक्रममा विद्यालयमा अध्ययनरत साना साना विद्यार्थीहरुले आ–आफना प्रस्तुती प्रस्तुत गरेका थिए ।
विद्यालयका पुर्व प्रावि संयोजक अमृता सापकोटाको स्वागत र शिक्षक रमा पन्थीको संचालनमा कार्यक्रम भएको थियो ।
प्रतिक्रिया