रुपन्देही नेत्रहिन संघलाई १ लाख ५१ हजारको अक्षयकोष

बुटवल । रुपन्देही नेत्रहिन संघको लागि अन्नपूर्ण टोल सिद्धार्थनगर नगरपालिका वडा नम्बर ८ निवासी स्व।कमलापती गंगादेवी पन्थ स्मृती प्रतिष्ठानले अक्षयकोषको स्थापना गरेको छ ।

आईतबार रुपन्देही नेत्रहिन संघ बुटवल तामनगरमा एक कार्यक्रमको आयोजना गरी प्रतिष्ठानले १ लाख ५१ हजार रुपैयाँको अक्षयकोष स्थापना गरेको रुपन्देही नेत्रहिन संघका अध्यक्ष कृष्ण बहादुर जिसीले जानकारी दिनुभयो ।

आईतबार सिद्धार्थनगर नगरपालिकाका प्रमुख तथा प्रतिष्ठान बरिष्ठ सल्लाहकार हरि प्रसाद अधिकारीको उपस्थितिमा संरक्षक केडि पन्थ, गंगा पन्थ र महासचिव यादव गैरे ले संयुक्त रुपमा रुपन्देही नेत्रिहन संघका अध्यक्ष कृष्ण बहादुर जिसीलाई प्रदान गर्नुभएको हो ।

जिल्लामा छरिएर रहेका दृष्टिविहिनता भएका व्याक्तिहरुको व्याक्तित्व विकास, क्षमाता अभिवृद्धि तालिम तथा अन्य कार्यमा उक्त अक्षयकोषबाट आएको रकम खर्च गरिने रुपन्देही नेत्रहिन संघका सचिव टिकाराम पौडेलले जानकारी दिनुभयो ।