काठमाडौ । हाल नेपालमा पश्चिमी वायूको प्रभाव कायम छ । देशको पश्चिमी तथा मध्य भू–भागमा सामान्यतया बदली रहेको छ भने बाँकी भू–भागमा आंशिक बदलीको सम्भावना रहेको मौसम पूर्वानुमान महाशाखाले जनाएको छ।
आज दिउँसो देशभर सामान्य बदली रहनेछ। पश्चिमी तथा मध्य भू–भागका केही स्थानहरूमा र पूर्वी भू–भागका केही स्थानहरुमा मेघ गर्जन र चट्याङ्ग तथा हावाहुरी सहित बर्षाको सम्भावना रहेको महाशाखाले जनाएको छ । देशको अधिकांश उच्च पहाडी तथा हिमाली भू–भागमा हल्का देखि मध्यम हिमपात को सम्भावना छ ।
आज राती देशभर सामान्य देखि पूर्ण बदली रहने सम्भावना छ। पश्चिमी भू–भाग लगायत मध्यका धेरै स्थानहरूमा र पूर्वी भू–भागका थोरै स्थानहरुमा मेघगर्जन, चट्याङ्ग र हावाहुरी सहित वर्षाको सम्भावना रहेको छ।
देशको उच्च पहाडी तथा हिमाली भू–भागमा हल्का देखि मध्यम हिमपात को सम्भावना रहेको मौसम पूर्वानुमान महाशाखाले जनाएको छ ।
प्रतिक्रिया