एजेन्सी । अमेरिकी सेनाले कोरोना भाइरस बुहानमा फैलाएको चीनका एक अधिकारीले आरोप लगाएका छन । चिनिया विदेश मन्त्रालयका प्रवक्ताहरुमध्येका एक जाओ लिजिआनले अमेरिकी सेनाले नै कोविड–१९ लिएर बुहान आएको सम्भावना ब्यक्त गरेका हुन ।
विश्वभर महामारीको रुप लिएको कोरोना भाइरसको सन्दर्भमा दुई मुलुकबीच चलेको वाकयुद्धका दौरान चिनिया अधिकारीको यस्तो आरोप सार्वजनिक भएको हो ।
चीनको सरकारी अखबार ग्लोबल टाइम्सले बिहीबार प्रकाशित गरेको खबर अनुसार अमेरिकी रोग नियन्त्रण एवं रोकथाम केन्द्र (सीडीसी) का निर्देशक रोबड रेडफिल्डले फ्लु ग्रस्त विरामीको पहिचान गर्नमा केही गल्ती भएको र सम्भवतः ति विरामी कोरोना भाइरसबाट ग्रस्त थिए भनेर स्विकार गरेका छन ।
अमेरिकामा फैलंदै गएको कोरोना भाईरसका सन्दर्भमा ग्लोबल टाइम्समा प्रकाशित खबरमा भनिएको छ, ‘अमेरिकी सरकारी प्रतिकृयामै खोट छ, महामारीका सूचनाहरु लुकाइएका छन । सामान्य फ्लु र कोरोना भाईरसबीचको फरक छुट्टयाउन नसक्नु र नश्लवादबाट प्रेरित हुँदै दिईएका प्रतिकृयामा अरुमाथी दोष थोपरिएको छ ।’
प्रतिक्रिया