बुटवल । कोरोना भाइरस रोकथामका लागि प्रभावकारी कदम चाल्न मानव अधिकार तथा शान्ति समाज रुपन्देहीले सरकारसंग आग्रह गरेको छ ।
समाजले आज रुपन्देहीका प्रमुख जिल्ला अधिकारी महादेश पन्थलाइ ज्ञापनपत्र बुझाउदै कालोबजारी नियन्त्रण, बजार अनुगमन तथा कोरोना भाइरस रोकथामका लागि पहल गर्न आग्रह गर्दै ज्ञापन पत्र बुझाएको हो ।
समाजका केन्द्रिय बरिष्ठ उपसभापति गोबिन्द खनालले सरकारको नेतृत्वकर्ता प्रधानमन्त्री बेडमा निदाएको र मन्त्रीहरु बेकामे जस्तै भएको भन्दै पूर्व सावधानी र प्रयाप्त तयारी नगर्नु सरकारको लाचारीपन भएको दाबि गर्नुभयो ।
उहाले मानव अधिकार तथा शान्ति समाजले आफ्ना सदस्यहरुलाइ स्वयंसेवी तवरमा जिल्ला जिल्लामा परिचालन गर्ने नीति समेत राखेको र सरकारसंग सहकार्य गर्न तयार रहेको बताउनुभयो ।
ज्ञापनपत्र बुझ्दै रुपन्देहीका प्रमुख जिल्ला अधिकारी महादेब पन्थले आफुहरुले कोरोनाको सर्तकताका लागि बिभिन्न काम गरिरहेको बताउनुभयो । उहाले कोरोनाको त्रास र अभाब देखाएर कालोबजारी गर्नेलाइ कारबाहि गर्ने समेत उल्लेख गर्नुभयो ।
जिल्ला सभापति डीपी खनालले कालोबजारी रोक्नका लागि अनुगमन कार्य अगाडी बढाउन, आपूर्ति व्यवस्थालाई सहज बनाउन र देशमा कानुन विहिनताको स्थिति उत्पन्न हुन नदिन नागरिक खबरदारीका गर्नका लागि ज्ञापनपत्र बुझाएको बताउनुभयो । सो कार्यक्रममा शान्ति समाजका सहसचिब कपिल ज्ञवाली, सदस्य कृष्ण पाण्डे लगायतको उपस्थिती रहेको थियो ।
चीनको वुहानबाट सुरु भएको कोरोना भाइरस (कोभिड–१९) को सङ्क्रमण अहिलेसम्म १ सय ६२ देशमा पुगेको छ ।जसका कारण अहिलेसम्म एक लाख ८२ हजार सात सय ६४ जनामा कोरोना सङ्क्रमण पुष्टि भएको छ । सात हजार एक सय ७४ जनाको ज्यान गएको छ भने ९५ हजार सात सय ६ जनाले उपचार गराइरहेका छन् ।
७९ हजार आठ सय ८४ जना निको भएका छन् । ७९ हजार आठ सय ८४ जनामध्ये नेपालमा सङ्क्रमण देखिएका एक जना पनि निको भइसकेको विश्व स्वास्थ्य सङ्गठन (डब्ल्यूएचओ) ले जनाएको छ ।
प्रतिक्रिया