काठमाडौ । अहिले नेपालमा मौसममा खासै असर पार्ने उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ ।
आज दिउँसो देशका पहाडी भू–भागमा आंशिक देखि सामान्य बदली रही बाँकी भू–भागमा आंशिक बदली रहने विभागले जनाएको छ ।
त्यसैगरि पहाडी भू–भागका थोरै स्थानहरूमा र तराईका एक दुई स्थानमा मेघ गर्जन र चट्याङ्सहित हल्का वर्षाको सम्भावना रहेको मौसम पूर्वानुमान महाशाखाले जनाएको छ ।
आज राती देशका पहाडी भू–भागमा आंशिक देखि सामान्य बदली रही बाँकी भू–भागमा सामान्यतया मौसम सफा रहने महाशाखाले जनाएको छ ।
देशको पूर्वी र मध्य भू–भागका एक दुई स्थानहरुमा मेघ गर्जन र चट्याङ्सहित हल्का क्षणिक वर्षाको सम्भावना रहेको छ ।
प्रतिक्रिया