काठमाडौ । कोरोनाका त्रासका कारण काठमाडौंको दरबारमार्गस्थित होटल याक एण्ड यतिले शनिबार सूचना टाँसेर अनिश्चितकालीन रुपमा होटल बन्द गर्न आह्वान गरेको छ ।
होटल व्यवस्थापनले आधिकारिक ट्रेड युनियनसँग छलफल समेत नगरी मजदुरलाई २५ प्रतिशत मात्रै सुविधा दिने र त्यसमध्ये पनि १२।५ प्रतिशत सरकारले व्यहोर्ने एकतर्फी सूचना टाँस गरेर होटल बन्द गरेको हो ।
शुक्रबार १३ वटा कोठामा ३५ जना गेष्ट रहेको होटेलले शनिबार बिहान ब्रेकफास्ट खुवाएर उनीहरुको बिदाई गर्दै होटल बन्दको एकतर्फी सूचना टाँस गरेको आधिकारिक ट्रेड युनियन, होटल याक एण्ड यतिका अध्यक्ष वेद रायले बताउनुभयो ।
छलफलबिनै १२।५ प्रतिशत तलब दिएर कर्मचारीलाई बिदा गर्नु गैरकानूनी भएको भन्दै श्रम ऐनको प्रावधानअनुसार कम्तीमा ५० प्रतिशत तलब सुविधा दिनुपर्ने माग उहाले गर्नुभयो ।
प्रतिक्रिया