काठमाडौ । प्रधानमन्त्री केपी शर्मा ओली अस्पताल भर्ना हुनुभएको छ । प्रधानमन्त्री ओलीको मुटुको धड्कन बढ्ने समस्या देखिएकोले हिजो राति मनमोहन काडियोलोजी सेन्टर महाराजगञ्जमा भर्ना हुनुभएको हो ।
प्रधानमन्त्रीका प्रेस सल्लाहकारले ट्वीट गर्दै प्रधानमन्त्रीको स्वास्थ्य अवस्था सामान्य भइसकेको जानकारी दिनुभएको थियो । आज नै डिस्चार्ज गर्ने तयारीमा रहेको प्रधानमन्त्रीका निजी चिकित्सक प्रा.डा. दिव्यासिंह शाहले बताउनुभयो ।
मिर्गौला प्रत्यारोपणपछि डिस्चार्ज भएलगत्तै आराम गर्न चिकित्सकले सुझाव दिएका थिए । तर, प्रधानमन्त्री ओली भने बढी सक्रिय हुनुहुन्थ्यो । उहाको पछिल्लो सक्रियताका कारण स्वास्थ्यमा सामान्य समस्या आएको स्रोतको भनाइ छ ।
प्रतिक्रिया