५ श्रावण २०८१, शनिबार | July 20, 2024

२०० जना यात्रु बोकेका नौवटा ट्रक गजुरीमा नियन्त्रण



धादिङ । लकडाउनको उल्लंघन गर्दै मालबाहक ट्रकले मानिस ओसारपसार गरेको पाइएको छ । ट्रकभित्र त्रिपालले छोपिएर काठमाडौंबाट वीरगन्जतर्फ जाँदै गरेका २०० जनालाई गजुरीमा शुक्रबार राति प्रहरीले नियन्त्रणमा लिएपछि उक्त खुलासा भएको हो ।

शुक्रबार राति करिब १० बजे इलाका प्रहरी कार्यालय गजुरीको प्रहरी टोलीले चेकजाँच गर्ने क्रममा नौवटा मालवाहक ट्रक त्रिपालले ढाकेर आएको पाइएपछि शंका लागेर खोजतलास गर्दा यात्रु भेटिएको हो ।

ती ट्रकमा २०० जना यात्रु पाइएको थियो । ती सबै ट्रक र यात्रुहरुलाई नियन्त्रणमा लिई काठमाडौं नै फर्काइएको इलाका प्रहरी कार्यालय गजुरीका प्रहरी नायब उपरिक्षक खगेन्द्रबहादुर खड्काले जानकारी दिनुभयो ।

ती ट्रकमा बारा, पर्सा र रौतहटका सर्वसाधरणका साथै भारतीय नागरिकहरु ट्रकमा रहेको प्रहरीले बताएको छ । यात्रुहरुले आफुहरु काठमाडौंमा दैनिक ज्याला मजदुरी गरेर बाँच्दै आएकामा लकडाउनपछि काम गर्न नपाएर खान नपाउने अवस्था बनेकाले घर फर्कन लागेको बताएका थिए । उनीहरुले आफुहरुलाई छाडिदिन प्रहरीसँग आग्रह गरेका थिए ।

लकडाउनको समयमा समूह बनाएर एक ठाउँबाट अर्को ठाउँमा जान नमिल्ने भएकाले उनीहरु जहाँबाट आएका हुन सोही स्थानमा फर्काएको प्रहरीले बताएको छ ।

प्रकाशित मिति : १५ चैत्र २०७६, शनिबार  ७ : ४६ बजे

आर्थिक अनुशासन र जवाफदेहिता कायम गर्नु सरकारको महत्त्वपूर्ण जिम्मेवारी : अर्थमन्त्री पौडेल

काठमाडौं । उपप्रधानमन्त्री एवं अर्थमन्त्री विष्णु पौडेलले आर्थिक अनुशासन, पारदर्शिता

शनिबार साँझ केहीबेर देशैभर निभ्यो बिजुली

काठमाडौं । शनिबार साँझ देशभरको विद्युत वितरण प्रणाली केहीबेर अवरुद्ध

काभा यू–२० महिला भलिबल च्याम्पियनसिपमा नेपालको पहिलो जित

काठमाडौं । माल्दिच्समा भईरहेको काभा यु–२० महिला भलिबल च्याम्पियनसिपमा नेपालले

दाङमा जिप दुर्घटना हुँदा १० जना घाइते

दाङ । दाङको दङ्गीशरण–७ बोगटी नजिकै जिप दुर्घटना हुँदा १०

Airlines resume services after global IT crash wreaks havoc

PARIS: Airlines were gradually coming back online Saturday after global