मेलवर्न । अष्ट्रेलियामा थप सातजना नेपालीमा कोरोना भाइरसको संक्रमण देखिएको छ । सिड्नीको ग्रानभिलमा बस्ने ४ नेपालीमा कोरोना भाइरसको संक्रमण फेला परेको छ ।
नेपाली दूतावास अष्ट्रेलियाकाअनुसार सुरुमा एक नेपाली युवतीमा कोरोना भाइरसको संक्रमण देखिएको थियो । परीक्षणका क्रममा उनीसँगै बस्ने अन्य तीनजनामा पनि कोरोना भाइरसको संक्रमण देखिएको हो ।
त्यस्तै मेलवर्नमा पनि एकै परिवारका तीन जनामा कोरोना संक्रमण देखिएको छ । उनीहरुको स्थानीय अस्पतालमा उपचार भइरहेको छ । यसअघि एक नेपाली विद्यार्थीमा कोरोना भाइरसको संक्रमण देखिएको थियो । अष्ट्रेलियामा नेपालीको संख्या झण्डै ७० हजारको हाराहारीमा रहेको अनुमान छ ।
प्रतिक्रिया