काठमाडौ । स्वास्थ्य सामग्री लिएर काठमाडौंबाट उडेको नेपाली सेनाको स्काई ट्रक बीच बाटोबाटै फर्किएको छ । प्रदेश १ र सुदूरपश्चिम प्रदेशका लागि स्वास्थ्य सामग्री लिएर उडेको स्काई ट्रक गन्तव्यमा नपुर्याई काठमाडौं फर्केको हो ।
कोरोना संक्रमण रोकथामका लागि मास्क, स्यानिटाइजर, पर्सनल प्रोटेक्टिभ इक्युपमेन्ट (पीपीई) लगायतका सामग्री लिएर स्काई ट्रक आज बिहान काठमाडौंबाट उडेको थियो । गन्तव्यमा नपुग्दै फर्किएको छ ।
नेपाली सेनाका प्रवक्ता सहायकरथी विज्ञानदेव पाण्डेले प्राविधिक समस्याका कारण विमान फर्किएको बताएका छन् ।
स्रोतका अनुसार, स्काई ट्रकमा भएको स्यानिटाइजरबाट एकप्रकारको राग आएपछि सैनिक पाइलटले विमान फर्काउनुपर्ने बताएका थिए ।
प्रतिक्रिया