नि:शुल्क शल्यक्रिया गरेर हनुमान महोत्सव

नेपालगन्ज । जेठ महिनाको अन्तिम मंगलवार अर्थात हनुमान महोत्सवको अवसरमा नेपालगन्जका दर्जनौं स्थानमा भण्डारा लगाइएको छ । हनुमान महोत्सवको अवसर पारेर श्रद्धालुहरुले नगरका चोकहरुमा भण्डारा खुवाएका हुन् ।

नगरका बिभिन्न स्थानमा भण्डारा खुवाएर श्रद्धा प्रकट गरिरहँदा नेपालगन्जका नेत्ररोग विशेषज्ञ डा. प्रचण्ड गौतमले भने मानवसेवा आश्रममा आश्रित ८ जना सेवाग्राहीको नि:शुल्क आँखाको शल्यक्रिया गरेर बडा मंगरबार (हनुमान महोत्सव) मनाएका छन् । मानवसेवा आश्रमको नेपालगन्जमा आश्रित ३ जना महिला र ४ जना पुरुषको मोतियाबिन्दुको नि:शुल्क शल्यक्रिया गरिएको डा. गौतमले बताए ।

नेपालगन्जमा हरेक वर्षको जेठ महिनाको अन्तिम मंलबार भण्डारा खुवाएर हनुमान महोत्सव मनाउने गरिन्छ । नेपालगन्जमा दर्जन बढी स्थानहरुमा बटुवाहरुलाई खाना र सर्वत पानी खुवाएर हनुमान महोत्सव मनाइएको नेपालगन्जका स्थानीय अमूल्यलाल श्रेष्ठले बताए ।

महोत्सवलाई परोपकारको माध्यमबाट मनाउने उद्देश्यका साथ आजै भिजन आँखा अस्पतालको सौजन्यमा नि:शुल्क आँखाको शल्यक्रिया भएको मानवसे्वा आश्रम नेपालगन्जले जनाएको छ । भिजन आँखा अस्पताल डा. गौतमकै लगानीमा संचालनमा रहेको आँखा सम्बन्धि अस्पताल हो ।