बुटवल । सामाजिक कार्यहरुमा अग्रसर रोटरी क्लब अफ बुटवल डाउनटाउन र रोट्याक्ट क्लब अफ बुटवल डाउनटाउनद्धारा संयुक्त रुपमा राहत वितरण गरेको छ ।
रोटरी र रोट्याक्ट डाउनटाउनका सदस्यहरुले स्व इस्फुर्त रुपमा राहत कोष खडा गरि बिपन्न तथा दिनदुखीहरुलाई सहयोग गरेको रोटरी क्लबका अध्यक्ष तुलसि घिमिरेले बताउनुभयो ।
बुटवल उपमहानगरपालिका ४ का वडा अध्यक्ष टंक पराजुलिले महामारि रुपमा फैलिएको कोविड १९ रोगबाट बच्न सरकारले गरेको लकडाउन पछि दैनिक मजदुरी गर्ने परिवारलाई बढी समस्या र खाद्यान्नको अभावको बेला रोटरी र रोट्याक्ट डाउनटाउनले गरेको सहयोग अति महत्त्वपूर्ण रहेको बताउनुभयो ।
रोटरीका एजि राजेन्द्र ढकालले समाजलाइ आपत पर्दा रोटरी सदैब अग्रभागमा रहि समाज सेवा गर्दै आएको बताउनुभयो ।
रोट्याक्ट अफ बुटवल डाउनटाउनका अध्यक्ष मधु भट्टराईले विश्वमा महामारीको रुपमा फैलिएको कोरोना भाइरसका कारण लामो लकडाउन मा दैनिकी गरि खाने मजदुर देखि अन्य पिछडिएको बर्गमा औषधि र खाद्यान्नको ठुलो बिकराल समस्या परेको हुनाले अति आवश्यक करिब २०० घरधुरीलाई दैनिकी खाद्यान्न, चामल, दाल, साबुन, तेल, नुन सहयोग गरेको बताउनुभयो । आज बुटवल वडा न ४ मा ३० घरधुरीलाई खाद्यान्न वितरण गरेको छ ।
प्रतिक्रिया