१८ मंसिर २०७९, आइतबार | December 4, 2022

कोरोना अति प्रभावित देशको सूचीमा भारत १७ औँ स्थानमा



काठमाडौ । छिमेकी देश भारतमा कोरोना संक्रमित र संक्रमणबाट मृत्यु हुनेको संख्या ह्वात्तै बढेको छ । यो समाचार तयार पार्दासम्म भारतमा संक्रमितको संख्या १५ हजार ७ सय २२ पुगेको छ । ५ सय २१ जनाले कोरोना भाइरसबाट ज्यान गुमाइसकेका छन् । २ हजार ४ सय ६३ जना भने उपचारपछि घर फर्किएका छन् । १२ हजार ७ सय ३८ जनाले विभिन्न अस्पतालमा उपचार गराइ रहेका छन् ।

भारतको महाराष्ट्र कोरोनाबाट सबैभन्दा धेरै प्रभावित भएको छ । महाराष्ट्रको मुम्बई सहरमा सबैभन्दा धेरै संक्रमित रहेका भारतीय सञ्चारमाध्यमले जनाएका छन् । राजधानी नयाँ दिल्ली, गुजरात, तमिलनाडु, मध्यप्रदेश, राजस्थान, उत्तर प्रदेशलगायतका विभिन्न राज्य धेरै प्रभावित भएका छन् ।

नेपालसँग सीमा जोडिएको उत्तर प्रदेशमा १५ जनाले ज्यान गुमाएका छन् भने झण्डै १ हजार संक्रमित भएका छन् । बिहारमा झण्डै १ सय संक्रमित भएका र दुईजनाको मृत्यु भएको छ । त्यस्तै पश्चिम बंगाल र उत्तराखण्ड पनि कोरोनाबाट प्रभावित भएका छन् । एक महिनाभित्र भारतमा संक्रमणको दर सयबाट हजारौँमा पुगेको छ ।

भारत कोरोनाबाट अति प्रभावित देशको सूचीमा १७औँ स्थानमा पुगेको छ । सबैभन्दा प्रभावितमा अमेरिका छ । त्यसपछि क्रमश स्पेन, इटली, फ्रान्स, जर्मनी, बेलायत, चीन, टर्की, इरान, बेल्जियम, रसिया, ब्राजिल, क्यानडा, नेदरल्याण्ड्स, स्वीट्जरल्याण्ड, पोर्चुगल र १७औँ स्थानमा भारत रहेको छ । यो संक्रमितको संख्यालाई आधार मानेर बनाइएको सूची हो । भारत अति प्रभावित २० देशको सूचीमा १७औँ स्थानमा छ ।

नेपाल र भारत खुला सीमाले कोरोनाका लागि पनि उत्तिकै खतरा निम्ताएको छ । अहिलेसम्म नेपालमा संक्रमित ३१ जनामा १५ जना भारतीय नागरिक छन् । बाँकीमा पनि भारतबाट नेपाल आएका केही व्यक्ति छन् । यहीँबाटै भारतमा संक्रमण बढ्दै जाँदा नेपालमा पर्ने असर सजिलै अनुमान लगाउन सकिन्छ ।

भारतीय सुरक्षाकर्मीले आफ्नो देशमा आउन नदिने र नेपाल प्रवेशमा खासै रोक नलगाउने कारणले पनि नेपालले थप सतर्कता अप्नाउनु पर्ने आवश्यकता देखिन्छ । नेपालतर्फको सीमा सुरक्षाको जिम्मेवारी पाएको शसस्त्र प्रहरी बलको संख्या अत्यन्तै न्युन भएकाले सीमावर्ती सबै ठाउँमा उपस्थिति छैन ।

सीमा नाकामा कडाइ गरे पनि अन्य सीमावर्ती क्षेत्रबाट मानिसको आवत जावत हुने गरेको छ । त्यसैले थप सुरक्षाकर्मी परिचालन गरेरै भए पनि नेपालले सम्भावित खतरालाई रोक्न आवश्यक देखिन्छ ।

प्रकाशित मिति : ७ बैशाख २०७७, आइतबार  ९ : १३ बजे

बर्मामा ७ विद्यार्थीलाई मृत्युदण्ड

यांगुन । म्यानमारको जुन्ता सरकारले यस साता  थप  सात जनालाई

समानुपातिकतर्फ एक करोड चार लाख मत गनियो, कसकाे कति ?

काठमाडाैं । प्रतिनिधिसभा र प्रदेशसभाको समानुपातिकतर्फको मतगणना जारी छ ।

पर्यटकलाई आकर्षित गराउँदै दगामका ‘होमस्टे’

गण्डकी । उत्तरपट्टि लस्करै मिलेका चाँदीजस्तै टलक्क टल्केका हिमाल ।

एमाले नेता रिजाल भन्छन्- माओवादी छिटोभन्दा छिटो दक्षिणपन्थ छाडेर वामपन्थतिर फर्किनुपर्छ

काठमाडौं । नेकपा एमालेका नेता विष्णु रिजालले माओवादी केन्द्रले छिटोभन्दा

फिफा विश्वकप २०२२ : आज फ्रान्स र पोल्यान्ड तथा इंग्ल्यान्ड र सेनेगल भिड्दै

काठमाडौं । कतार फिफा विश्वकप २०२२ अन्तर्गत आइतबार प्रिक्वाटरफाइनलका दुई