काठमाडौ । काठमाडौंको गुह्येश्वरीमा सडेको अवस्थामा मानिसको शव भेटिएको छ ।
मानवबस्तीको बीचमा खाली चौरको झाडीभित्र बोरामा पोको पारिएको अवस्थामा एक पुरुष शव भेटिएको प्रहरीले जनाएको छ । यस बारे थप अनुसन्धान भईरहेको प्रहरीले जनाएको छ ।
परिचय खुलेको छैन । शवको प्रकृति हेर्दा १५ / २० दिन पहिले नै उनको मृत्यु भइसकेको हुन सक्ने अनुमान प्रहरीको छ । शरीर सग्लो अवस्थामा रहे पनि अनुहार कुहिएका कारण सहजै पहिचान गर्न नसकिएको महानगरीय वृत्त गौशालाले जनाएको छ ।
अन्दाजी ४०–४५ वर्षको पुरुष रहेको र पोष्टमार्टमका लागि शिक्षण अस्पताल पठाइएको महानगरीय वृत्त गौशालाका प्रमुख डिएसपी प्रदिप कुमार सिंहले जानकारी दिनुभयो । झाडीभित्रबाट गन्ध आएपछि स्थानीयले खोजी गरेका थिए ।
वरपर दुगन्ध फैलिएपछि स्थानीयले खबर गरेको र प्रहरीले आइताबार ४ बजे तिर शव फेला पारेको जनाएको छ । शव भेटिएपछि प्रहरीले अनुसनधान शुरु गरेको छ ।
प्रतिक्रिया