खजुरा । प्रतिनिधिसभा सदस्य निर्वाचन २०८२ अन्तर्गत आज बिहानबाट सुरु भएको मतदानमा बाँकेको खजुरा स्थित एक मतदान केन्द्रमा सञ्चारकर्मीलाई फोटो खिच्न अवरोध गरिएको छ । खजुरा स्थित ज्ञानादय नमुना माबि मतदान केन्द्रमा मतदाताले मत पेटीकामा मत खसाल्दै गरेको दृष्य लिन मतदान अधिकृतबाट अवरोध भएको हो ।
घेरा बाहिरबाट मतपेटीका मत खसाल्दै गरेको फोटो खिच्न दिन आग्रह गर्दा मतदान अधिकृत खेमबहादुर पुनले अवरोध गरेका हुन् । उनले घेरा बाहिरको फोटो खिचेपनि घेराभित्रको फोटो खिच्न नपाउने बताए । निर्वाचनमा मतदान गर्दै गरेको फोटो खिच्न नमिल्ने भएपनि मतदान गरिसकेर मतपेटिकामा खसाल्दै गरेको फोटो खिच्न निर्वाचन कार्यबिधिले रोक लगाएको छैन । अन्यत्र उम्मेदवारहरुले मत खसाल्दै गरेको दृष्य समाचारमा आएको भन्दै फोटो खिच्न दिन आग्रह गर्दापनि पुनले फोटो खिच्न अवरोध गरेका थिए
खजुरा गाँउपालिकामा रहेका मतदान केन्द्रहरुमामा १० बजे सम्ममा प्रत्यक केन्द्रमा औसत २५० मत खसेका छन् ।
प्रतिक्रिया