एजेन्सी । कोरोना भाईरसको विश्वब्यापी महामारी फैलिएका बेला यसको निदानका बारेमा थुप्रै प्रयासहरु भैरहेका छन भने धेरै चासो र चिन्ताहरु पनि उब्जिएका छन ।
यस्तैमा एक पटक कोरोना संक्रमण भई निको भएकाहरुमा पुनः संक्रमण हुन्छ या हुँदैन ? भन्ने विषयमा पनि फरक फरक विचारहरु प्रकट भईरहेका छन ।
यस बारेमा विश्व स्वास्थ्य संगठनले पनि आफ्नो प्रतिकृया दिएको छ । डब्लुएचओको भनाई अनुसार एक पटक कोरोना संक्रण भइ निको भएकाहरुलाई फेरि संक्रमण हुन्छ या हुँदैन भन्ने विषय स्पष्ट भैसकेको छैन ।
यो विषयको वैज्ञानिक हिसाबले पुष्टि नभैकन लहै लहैका भरमा तर्क बनाउनु र त्यहि अनुसार ब्यवहार गर्दा निकै खतरनाक परिणाम आउन सक्ने संगठनले चेतावनी दिएको छ । विश्वका केही मुलुकका अस्पतालहरुले ईम्युनिटी पासपोर्ट र रिस्क फ्रि सर्टिफिकेट जारी गरेको सन्दर्भमा विश्व स्वास्थ्य संगठनको यस्तो प्रतिक्रिया आएको हो ।
डब्लुएचओका अनुसार विभिन्न अस्पतालहरुले जारी गरेका ईम्युनिटी पोसपोर्ट र रिस्क फ्री सर्टिफिकेटको विश्वसनीयतामा भर पर्ने अवस्था आईसकेको छैन । यस बारे वैज्ञानिक अनुशन्धान हुन जरुरी छ ।
केही मुलुकहरुले ईम्युनिटी पोसपोर्ट र रिस्क फ्री सर्टिफिकेटका आधारमा मानिसहरुलाई काममा लगाउने सोंच बनाईरहेका बेला आएको डब्लुएचओको यस्तो प्रतिकृयाले थप अन्यौल सिर्जना भएको छ । यो प्रतिकृयाले कोरोना संक्रमणबाट निको भएकाहरुलाई थप सावधान पनि बनाएको छ ।
वैज्ञानिकहरुका अनुसार संक्रमणको चपेटामा आएपछि मानव शरिरले संक्रमण फैलाउने भाईरस विरुद्ध लड्न सुरु गर्छ तर ईम्युनिटीको पुरापुर विकास हुन एक देखि दुई हप्ताको समय लाग्छ ।
शरिरमा रहेका टी सेलहरुले संक्रमित कोशिकाहरुको पहिचान गरि नष्ट गरिदिन्छ । यसबाट संक्रमणको फैलावटलाई बढ्न दिंदैन ।
मानव शरिरमा भएको ईम्युनिटी पावरले संक्रमणको लक्षण पनि प्रकट हुन दिंदैन । यसलाई वैज्ञानिक भाषामा सेल्युलर ईम्युनिटी भनिन्छ ।
प्रतिक्रिया