३ श्रावण २०८२, शनिबार | July 20, 2025

भारतीय हस्तक्षेपले सीमा नाघ्यो, ठोरीमा भारतीय सुरक्षा फौजले सडक भत्कायो



पर्सा । नेपालको सीमा बारम्बार अतिक्रमण गरिरहेको भारले फेरि पर्साको ठोरीमा अर्को हर्कत गरेको छ । नेपालको सार्वभौमसत्तामाथि हस्तक्षेप गर्दै भारतीय बर्दिधारी सुरक्षा फौज ठोरीस्थित नेपाली सिमाभित्र घुसेर नेपालको सडक भत्काएका छन् ।

ठोरी गाउँपालिका २ ठुटेखोलामा निर्माण भएको सडकलाई भारतीय प्रहरीलेले भत्काएको हो । बिहीबार अपरान्ह भारतीयहरु आएर सडक भत्काएका थिए ।

हुलाकी सडक निर्माणको जिम्मा पाएको ठेकेदार कम्पनीले पुल सञ्चालनका लागि भारतीय पक्षले प्रयोग गर्दै आइरहेको एउटा कुलो पुरेको थियो । भारततर्फ पानी लैजाने दुईवटा र नेपालको एउटा कुलो सडक बनाउँदा पुरिएको थियो ।

तर, नेपाली पक्षले सो कुलो बनाइदिने तयारी गरिसकेको अवस्थामा भारतीय बर्दिधारी फौज आउनुलाई सामान्य अर्थमा लिन नसकिने ठोरीका स्थानीले बताएका छन् । कुलो बनाइदिने तयारी भएपनि भारतीय प्रहरीको दादागिरी बढेको स्थानीय वडा नं. २ का वडाअध्यक्ष किशो तामाङले बताउनुभयो ।

हतियारसहित बर्दीमा आएका भारतीय सुरक्षाकर्मीको संरक्षणमा भारतका मान्छेले सडक खनेर पुनः कुलो बनाउने प्रयास गरेका थिए । ठोरीबासीको प्रतिवाद पछि उनीहरु साँझपख फर्किएका थिए ।

पर्साको ठोरी गाउँपालिका वडा नं २ र ३ जोड्ने ठुटे खोलामा तीन दिन अगाडी मात्रै सडक निर्माण गरिएको थियो। २०७५ जेठमा ठुटे खोलामा ६ करोड ९७ लाख २१ हजार रुपैयाँको लागतमा पुल निर्माण भएको थियो। तर, भारतीय पक्षको अवरोधका कारण यो पुल अझै संचालन हुन सकेको छैन ।

प्रकाशित मिति : १६ जेष्ठ २०७७, शुक्रबार  ३ : १९ बजे

पानी पार्ने प्रणाली विकासः पहाडी क्षेत्रमा जोखिम, तराईमा मौसम बदली मात्र

काठमाडौँ । जल तथा मौसम विज्ञान विभागका अनुसार यो प्रणाली

प्रभावकारी बन्दै निःशुल्क एम्बुलेन्स सेवा

पर्वत । यहाँको जलजला गाउँपालिकामा सञ्चालिन निःशुल्क एम्बुलेन्स सेवाबाट ज्येष्ठ

सचिवालय बैठकले प्रस्ताव गरेको विधान संशोधनसम्बन्धि प्रस्ताव एमाले पोलिटब्युरोबाट पारित

काठमाडौं । नेकपा एमालेको पोलिटब्युरो बैठकले सचिवालयबाट निर्णय भएर आएको

दाङको राप्ती गाँउपालिकामा पाठेघरको मुखको क्यान्सर जाँच शिविर : डेढ सय बढी महिलाले लिए सेवा

दाङ। दाङको राप्ती गाउँपालिका–५ स्थित राप्ती आधारभूत अस्पताल कालापानीमा आयोजित

नहरमा डुबेर एक जनाको मृत्यु

कैलाली । कैलालीको लम्की चुहानगरपालिका– ६ बाघमारा, रानीजमरा कुलरिया सिँचाइ