२९ कार्तिक २०८३, आइतबार | November 16, 2026

डोल्पा कारागारबाट सुरुङ खनेर फरार भएका दुई कैदी रुकुम पश्चिममा पक्राउ



सुर्खेत । डोल्पा जिल्ला कारागारबाट सुरुङ खनेर फरार भएका आठ कैदीबन्दीमध्ये दुई जना पक्राउ परेका छन् । फरार भएको पाँच दिनपछि मंगलबार उनीहरूलाई रुकुम पश्चिममा प्रहरीले नियन्त्रणमा लिएको हो ।

कर्णाली प्रदेश प्रहरी कार्यालय सुर्खेतका प्रवक्ता प्रहरी वरिष्ठ उपरीक्षक (एसएसपी) सन्तोषसिंह राठौरका अनुसार पक्राउ पर्नेमा रुकुम पश्चिमको आठबिसकोट नगरपालिका–१० का ३२ वर्षीय रामबहादुर विक र सल्यानको कुमाख गाउँपालिका–५ का २८ वर्षीय रेशम राना रहेका छन् ।

जबरजस्ती करणी मुद्दामा जिल्ला कारागार डोल्पामा कैद भुक्तान गरिरहेका उनीहरू गत शुक्रबार राति अन्य छ जना कैदीबन्दीसँगै सुरुङ खनेर फरार भएका थिए ।

प्रहरीका अनुसार चौरजहारी बेस क्याम्प र प्रहरी चौकी गोतामकोटबाट प्रहरी सहायक निरीक्षक बुद्धिराम वलीको कमाण्डमा खटिएको पाँच सदस्यीय टोलीले आठबिसकोट नगरपालिका–६ स्थित दामाचौरको खोली बगरमा सवारीसाधन जाँच गर्ने क्रममा उनीहरूलाई फेला पारेको हो ।

राडीबाट आउँदै गरेको कर्णाली प्रदेश ०२–००१ च ०८३१ नम्बरको डबल क्याप बोलेरो जिप जाँचका लागि रोक्न प्रहरीले संकेत गरेपछि उनीहरू भाग्न खोजेका थिए । त्यसपछि प्रहरीले दुवैलाई नियन्त्रणमा लिएको एसएसपी राठौरले जानकारी दिए ।

कारागारबाट फरार भएका आठ जनामध्ये दुई जना पक्राउ परे पनि बाँकी छ जना अझै फरार छन् । उनीहरूको खोजी कार्य जारी रहेको प्रहरीले जनाएको छ ।

प्रकाशित मिति : १७ कार्तिक २०८३, मंगलबार  १ : २२ बजे

Your email address will not be published.

इजाजत नभएका बन्दुक बरामद

म्याग्दी । म्याग्दीको मालिका गाउँपालिका(५ देवीस्थानबाट आज इजाजत नभएका चार

एनपिएल : पोखरा एभेन्जर्ससँग काठमान्डु गोर्खाज ५५ रनले पराजित

काठमाडौं । नेपाल प्रिमियर लिग (एनपिएल) को आइतबार भएको खेलमा

कालीगण्डकी करिडोर सडक पुन: अवरुद्ध

गुल्मी । सुक्खा पहिरो गएपछि कालीगण्डकी करिडोर सडक पुनः अवरुद्ध

घोप्टेभिरको सुक्खा पहिरोले अनिश्चित बनायो यात्रा

चितवन । गत साता नेपाल प्रिमियर लिग (एापिएल)हेर्न बसमा काठमाडौं

प्रधानमन्त्रीको सचिवालयका ‘विज्ञ’लाई संयोजक र उपसंयोजकको भूमिका

काठमाडौं । प्रधानमन्त्री बालेन्द्र शाहले आफ्नो निजी सचिवालयमा कार्यरत कर्मचारी