Oबुटवल । कपिलवस्तुको यशोधरा गाउँपालिका ८ नम्बर वार्डका वार्ड अध्यक्ष साबुद्दिन मुसलमान माथि गोली प्रहार भएको छ ।
आज मध्यराती २ जनाको समुहमा आएका समुहले उनीमाथि गोलि प्रहार गरेपनि अध्यक्ष मुसलमानको चलाखिले गर्दा उनी गोली लाग्नबाट बचेका छन् ।
राती ११ बजेको समयमा आएका समुहलाई अध्यक्ष मुसलमानले राती नहिंड्न सम्झाएका थिए । उनीहरुको स्वभाव र हाउभाउको आंकलन गर्दै उनी सधैं आफु सुत्ने गरेको कोठा छाडेर अर्को कोठामा सुत्न गएको लगत्तै उनी सधैं सुत्ने कोठाको झ्यालबाट उनलाई लक्षित गर्दै गोली प्रहार भएको थियो ।
गोली प्रहार गरेको आशंकामा एक जनालाई प्रहरीले नियन्त्रणमा लिएको कपिलवस्तुका प्रमुख जिल्ला अधिकारी दिर्घनारायण पौडेले जानकारी दिनुभएको छ । पक्राउ पर्नेमा स्थानीय महम्मद हुसेन रहेको समेत प्रजिअ पौडेलले बताउनुभयो । घटनास्थलबाट ४ वटा गोलीका खोका फेला परेको प्रहरीले जनाएको छ ।
वडा अध्यक्ष मुसलमान स्थानीय तह निर्वाचनमा स्वतन्त्र उम्मेदवारका रुपमा विजयी भएका थिए ।
प्रतिक्रिया