बुटवल । काेराेना महामारीकाबीच कलाकारहरुले नयाँ शैलीबाट दाेहोरी गीत बजारमा ल्याएका छन् । कलाकारहरुले आफ्नै निवासबाट भिडियो सुटिङ्ग गरी दाेहाेरी तयार भएकाे छ ।
लकडाउनले समस्यामा रहेका भाडावाल र घरबेटीकाे विषयमा रहेर गुल्मी पराल्मीका स्रष्टा प्रदीप प्रखर पोखरेलले यो गीत लेखेका हुन् । उनकाे शब्द संकलनमा रहेको ‘छैन लाउन खान’ त्रिकोणात्मक दोहोरी युटुवबाट सार्वजनिक गरिएको हो ।
यस गितमा कोरोनाले निम्ताएको समस्यालाई मध्यनजर गर्दै घरवहाल छुटको विषयलाई मुख्य रुपमा उठान गरिएको छ । ‘यसपाली त कोरानाले गर्नुसम्म गरो, घरवेटीले हाम्लाई भाडा छुट दिन परो ।’– गितमा भनिएको छ ।
पछिल्लो समय कोरोनाकाकारण सृजना भएको समस्यालाई मध्यनगर गरेर गित रचना गरिएको संकलक तथा साहित्यकार पोखरेल बताउँछन् । ‘हामी गित मार्फत सचेतना फैलाउने प्रयास गरेका छौँ’ उनी भन्छन् –‘कोरोनाका कारण आय आर्जनमा समस्या भएको छ घरवेटीले यो कुरा बुझ्नु पर्छ ।’
गितमा गायकहरु महेश विक्रम पाण्डे, कृष्ण लामिछानेको साथमा गायीका पुजा गुरुङ्गले साथ दिएकी छन् ।
करिव दश मिनेटको गितको लय भने विनोद ढकालले तयार गरेका हुन् । पुनम अडियो एन भिडियोको व्यानरमा तयार भएको म्युजिक भिडियोमा चर्चित मोडलहरुले अभिनय गरेका छन् ।
चर्चित मोडल विमल अधिकारी, लोक दोहोरी गायिका टिका सनु, अनिता बस्नेत (मास्र्टनी)लगाएत एक दर्जन बढी कलाकारहरुले अभिनय गरेका छन् ।
पुनम एभिएस नेपालको अफिसियल युटुव च्यानल मार्फत भिडियो सार्वजनिक गरिएको छ ।
भिडियो हेर्नुहोस
प्रतिक्रिया