वीरगन्ज । बुधबार संक्रमित पुष्टि भएका वीरगन्जका १७ जना व्यक्ति एकै परिवारका भएको थाहा भएको छ ।
गत साता वीरगंज–३ छपकैयाका ३६ वर्षीय स्थानीय युवामा कोरोना संक्रमण भएको थियो।
उनको कन्ट्रयाक्ट ट्रेसिङको क्रममा परिवारका सदस्यहरुको स्वाब चेकजाँच गर्दा कोरोना पोजेटिभ देखिएको नारायणी अस्पताल वीरगन्जले पुष्टि गरेको छ ।
बुधवार भेटिएको १७ जना नयाँ संक्रमित निजकै कन्ट्रयाक्ट ट्रयासिङको परिमाण भएको नारायणी अस्पतालका मेडिकल सुपरिटेन्डेन्ट डा. मदनकुमार उपाध्यायले बताउनुभयो ।
संक्रमित मध्ये एक दुई महिनाका नाबालक छन् भने ६६ वर्षीय वृद्ध पनि रहेका छ्न ।
संक्रमित सबैलाई अस्पताल ल्याउने तयारी भैरहेको डा. उपाध्यायले जानकारी दिनुभयो । यसअघि भेटिएका संक्रमित युवा स्थानीय वडा स्तरीय राहत वितरण गर्ने सर्वदलीय समितिका प्रतिनिधि हुन्।
संक्रमितहरुको घर पहिलेदेखि नै सिल गरिएको छ । यसैले स्थानीय बासिन्दालाई नआत्तिन तर सचेत बन्न प्रहरीले आग्रह गरेको छ ।
प्रतिक्रिया