कोरोना संक्रमितको संख्या १९१ पुग्यो, आजै मात्र थपिए ५७ जना

काठमाडौं । नेपालमा कोरोना भाइरसका संक्रमितको संख्या दिन दिनै बढिरहेको छ ।

मंलबार मात्रै ५७ जना संक्रिमित थपिएको स्वास्थ्य तथा जनसंख्या मन्त्रालयले जनाएको छ ।

राष्ट्रिय जनस्वास्थ्य प्रयोगशाला काठमाडौंमा गरिएको परीक्षण अुनसार मंगलबार ५७ जना पुरुषमा संक्रमण देखिएको मन्त्रालयले जनाएको हो । जसमध्ये पर्सा जिल्लाका सबैभन्दा धेरै ३९ जना रहेका छन् ।

यस्तै, कपिलवस्तु जिल्लाका ८ जना, रुपन्देही जिल्लाका ९ जना र बाराका १ जना रहेका छन् ।

संक्रमित सबैको अहिलेसम्मको अवस्था सामान्य नै रहेको र उनीहरु स्वास्थ्यकर्मीको सम्पर्कमा रहेको मन्त्रालयले जारी गरेको विज्ञप्तिमा जनाइएको छ ।