काठमाडौं । भक्तपुरको दुवाकोट बस्ने आफ्ना सुरक्षागार्डलाई कोरोना भाइरसको संक्रमण देखिएपछि नेकपा नेता एवं पूर्वगृहमन्त्री भीम रावलले दुवाकोटका स्थानीयको स्वास्थ्य जाँच गर्न आग्रह गर्नुभएको छ ।
आफ्ना सुरक्षागार्डलाई दुवाकोटतिरबाट सरेको हुनसक्ने बताउँदै नेता रावलले त्यहाँका स्थानीयमा समुदाय स्तरमा जाँच गर्नुपर्ने आग्रह गर्नुभएको हो ।
त्यस क्षेत्रमा बसोबास गर्ने मानिसहरुमा कोरोना रहेको हुनसक्ने आशंका गर्दै उहाँले तत्काल परीक्षण दायरा बढाउनुपर्ने बताउनुभयो ।
आफ्ना सुरक्षागार्ड एक महिनादेखि बिदामा रहेका कारण आफुसँग सम्पर्कमा नरहेको उहाँले बताउनुभयो ।
नेता रावलको भने संसदमा पीसीआर परीक्षण भैसकेको छ ।
प्रतिक्रिया