प्रदेश २ मा कोरोना संक्रमणले सेन्चुरी नाघ्यो, पर्सामा मात्रै ८५

काठमाडौं । नेपालमा दिनदिनै कोरोना संक्रमितको संख्या बढ्दै गएको छ । बिहीबार बिहानसम्म संक्रमित हुनेको संख्या २५० पुगेको छ ।
यसमध्ये प्रदेश २ मा सबैभन्दा धेरै संक्रमित देखिएका छन् ।

बिहीबार बिहानसम्म प्रदेश नम्बर २ मा कोरोना संक्रमितको संख्या १०३ पुगेको छ ।

सर्लाही, धनुषा र महोत्तरीमा ५ जना नयाँ संक्रमित थपिएसँगै प्रदेश नम्बर २ मा कोरोना संक्रमितको संख्या १०३ पुगेको हो ।

कोरोनाको संक्रमण प्रदेशका आठमध्ये सिराहाबाहेक सातवटा जिल्लामा देखिइसकेको छ ।

प्रदेश नम्बर २ मा सबैभन्दा पहिले पर्साको वीरगन्जमा कोरोनाको पहिलो केस देखिएको थियो ।

प्रदेशका हालसम्म देखिएको तथ्याङ्क

पर्सा                                           ८५
धनुषा                                           ५
महोत्तरी                                        ४
रौतहट                                          ३
बारा                                              ३
सर्लाही                                          २
सप्तरी                                           १
सिराहा                                          ०