ताप्लेजुङ । भारतको नेपाल माथिको भौगोलिक अतिक्रमण अब पूर्वको पाँचथरमा पनि देखिएको छ ।
पाँचथरको फालेलुङ गाउँपालिकाको करिब एक सय मिटर क्षेत्र आफ्नो रहेको भन्दै भारतको सीमा सुरक्षा बल एसएसबीले नेपाली निर्माण संरचनामा रोक्न दबाब दिएको हो ।
फालेलुङ गाउँपालिकाले आहाल कबुलियती वनको आहाल भन्ने स्थानमा पर्यटन संग्रहालय बनाउन सुरु गरेको थियो ।
गत वैशाख २४ बाट भवन निर्माण थालिएकोमा एसएसबीले २७ गते काममा अवरोध पुर्याएको गाउँपालिकाका प्रमुख प्रशासकीय अधिकृत विनोदकुमार चौहानले बताउनुभयो ।
एसएसबीको अवरोधपछि गाउँपालिका अध्यक्ष सञ्चकुमार केरुङसहित स्थानीय जनप्रतिनिधि, सशस्त्र र नेपाल प्रहरीको टोलीले त्यस स्थानको अनुगमन गरी भारतीय सुरक्षाकर्मीसँग छलफल गरेको थियो ।
सो छलफलमा पनि एसएसबीले नयाँ नक्साअनुसार एक सय मिटरसम्मको क्षेत्र भारतको रहेको दाबी गर्दौ त्यहाँ बनाउने कुनै पनि संरचनालाई भत्काउने चेतावनी दिएको थियो ।
गाउँपालिकाले सबै घटनाक्रमबारे जिल्ला प्रशासनमार्फत केन्द्र सरकारलाई जानकारी गराएको छ ।
प्रतिक्रिया