२८ असार २०८१, शुक्रबार | July 13, 2024

अव गीत संगीतमा पनि कालापानी लिपुलेक (भिडियोसहित)



बुटवल । राजनितीक क्षेत्रमा तातो बहसकारुपमा आएको कालापानी लिपुलेकले नेपालका हरेक क्षेत्रलाई प्रभाव पार्न सुरु गरेको छ । युवा बिद्यार्थि र राष्ट्रबादीहरुले नेपाली भुमि गुमेको बिषयमा अवाव उठाईरहेका बेला कबि कलाकारहरुले पनि देशप्रेमले भरिएको सिर्जना गर्न थालेकाछन् ।

कालापानी र लिपुलेकमा नेपाली भुमिमा भारतले बाटो बनाएको बिषयले चर्चा पाएसंगै लोकप्रिय गायक नारायण रायमाझी र गायिका शान्तिश्री परियारको स्वरमा भरखरै राष्ट्रिय भावको गीत सार्वजानीक भएको छ । आमा तिम्रो छाती सिर्सक दिईएको गीतले कालापानी सहित नेपालको गुमेको भुमि फिर्ता गर्न सन्देश दिएको छ ।

‘आमा तिम्रो छातीको पाटो, छिमेकीले बनायो मूलबाटो’ गीत सर्जक रमेश बी.जी.ले रचना गरेका हुन् । पटक पटक नेपाली भूमि अतिक्रमण गर्दै आएको छिमेकी मुलुक भारतले सुदूरपश्चिमको ठूलो नेपाली भूभाग लिपुलेक र कालापानी कब्जा गरी सडक निर्माण गरेको बिषयलाई गीतमा समेटिएको छ ।

गीतमा भारतीय विस्तारवादी चरित्रलाई उदाङ्गो पारिएको छ भने लिपुलेक र कालापानी बाहेक पनि अरु धेरै नेपाली भू-भाग भारतले अलिअलि गर्दै कब्जा गरिसकेको कुरा उल्लेख गरिएको छ । गीतले बीर सपुतहरु अमरसिंह र बलभद्रको स्मरण गर्दै राष्ट्र जोगाउन फेरी जाग्न आम नेपालीलाई आह्वान गरिएको छ । नारायण रायमाझी र शान्तिश्रीको सुमधुर स्वरले धेरै नेपालीहरुको सुतेको स्वाभिमान पुनः जागृत गराउन सक्ने अनुमान गर्न सकिन्छ ।

गीतमा नारायण रायमाझीकै सङ्गीत रहेको छ भने सङ्गीत संयोजन बी. बी. अनुरागीले गरेका छन् । यसैगरी तेजेन्द्र गुरुङको रेकर्डिङ र श्यामश्वेत रसाईलीको मिक्सिङ रहेको यस गीतमा हेमन्त कान्छाले सारङ्गी र रत्न बि. क. ले बाँसुरी बजाएका छन् । अपलोड भएको २४ घण्टा पनि पूरा नहुँदै गीतको भिडियो लगभग ७० हजार पटक हेरिएको छ ।

अक्षरमा गीत
आमा तिम्रो छातीको पाटो
छिमेकीले बनायो मूलबाटो

लिपुलेक र कालापानी सुस्ता मेरै थियो
भन्थे बरै पुर्खाले त अझै धेरै थियो
निमो*ठेर खायो हजुर चिमोटेर खायो
आज आफ्नै छिमेकीले उठिबास लायो

किन यति कमजोर भयो गोर्खालीको छाती
पराईले परेड खेल्दा आफ्नै छातीमाथि
आफ्नो माटो जोगाउन माटै बनम् बरू
व्युँझ न ए अमरसिंह र बलभद्रहरु

प्रकाशित मिति : २ जेष्ठ २०७७, शुक्रबार  ३ : ४३ बजे

धावनमार्गबाट चिप्लिएर घांसे मैदान पुगेको बुद्धएयरको जहाज २० घण्टापछि निकालियो

भैरहवा । भैरहवास्थित गौतमबुद्ध अन्तर्राष्ट्रिय विमानस्थलको धावनमार्गमा फसेको बुद्ध एयरको

प्रधानमन्त्रीमा केपी ओलीको दाबी पेस

काठमाडौं । नेकपा एमालेका अध्यक्ष केपी शर्मा ओलीले प्रधानमन्त्रीमा दाबी

देउवा र ओलीसहितका शिर्ष नेता शीतल निवासमा

काठमाडौं । नेकपा एमालेका अध्यक्ष केपी शर्मा ओलीलाई प्रधानमन्त्रीमा नियुक्त

हुण्डीको कारोबार गर्ने ४ जना २४ लाख ६२ हजार नगदसहित नेपालगन्जबाट पक्राउ

नेपालगन्ज । बाँके प्रहरीले हुण्डी कारोबारमा लगानी गर्ने तयारी अवस्थामा

बुटवलमा २५ लाखको लगानीमा खुल्यो म्यानुयल मेडिसिन एण्ड रिह्याविलिटेसन सेन्टर

बुटवल । बुटवल उपमहानगरपालिका वडा नम्बर ६ मैत्रीपथमा म्यानुयल मेडिसिन