पैदल यात्रुलाई पनि काठमाडौं प्रवेशमा रोक

काठमाडौं । कोरोना भाइरस (कोभिड–१९) को संक्रमण रोकथाम र नियन्त्रणलाई थप प्रभावकारी बनाउन काठमाडौंमा पैदल प्रवेश गर्न चाहने यात्रुलाई पनि रोक लगाइने भएको छ ।

गृहमन्त्रायको निर्देशनअनुसार शुक्रबार बसेको जिल्ला सुरक्षा समिति काठमाडौंको बैठकले अत्यावश्यक सेवाबाहेकका सबै सवारी साधन र पैदय यात्रुलाई समेत काठमाठौं प्रवेशमा रोक लगाउने निर्णय गरेको हो ।

समितिले काठमाडौंमा लकडाउनलाई थप कडाइ गर्ने निर्णय पनि गरेको छ ।

काठमाडाडौंका मूल सडक, भित्री सडक र गल्लीहरुमा विभिन्न बहानामा मानिसहरुको भीड भएको भन्दै जिल्ला प्रशासन कार्यालयले थप कडाई गरेको हो ।

सडकमा बिनापास निस्किएमा प्रचलित कानुनबमोजिम कारबाही हुने पनि प्रशासनले जनाएको छ । यसअघि जारी सबै पासलाई पनि खारेज गरिएको छ ।