बुटवल । रुपन्देहीको मणिग्रामस्थित क्रिमसन अस्पतालमा उपचाररत गुल्मी मदानेका ४१ वर्षीय कोरोना संक्रमितको अवस्थाबारे क्रिमसन अस्पतालबाट दुई थरी खबर बाहिरिएपछि जनमानसमा तनाब र भ्रम उत्पन्न भएको छ ।
अस्पतालका अध्यक्ष चिन्तामणि पाण्डेले बिरामीको अवस्था स्थिर रहेको प्रतिक्रिया दिनुभएको छ । भेन्टिलेटरमा राखिएका बिरामीको अवस्था अहिलेसम्म स्थिर रहेको पाण्डेले खबरकुरालाई बताउनुभयो ।
तर कतिपय संचारमाध्यमले भने अस्पतालकै संचालक दुर्गा पाण्डेको भनाइलाई उदृध गर्दै मृतकको बिहानै मृत्य भएको समाचार प्रकाशित गरिसकेका छन् ।
अस्पतालले सही सूचना नदिँदा आम जनमानसमा भ्रम उत्पन्न भएको छ । यसबारे यथाशिघ्र प्रदेश सरकारले जवाफ दिन जरुरी देखिएको छ । मृत्यु नै नभैकन बाहिर आएको समाचार भ्रामक र गलत भएको अस्पतालका अध्यक्ष पाण्डेले बताउनुभयो ।
शिक्षण पेशामा आवद्ध ती पुरुष बिरामी भएपछि सुरुमा आफ्नो गाउँ नजिकैको अर्घाखाँचीको एक मेडिकलमा चेकजाँच गराएका थिए । त्यसपछि मोटरसाइकलमा मणिग्राममा रहेको क्रिमशन अस्पतालमा पुगेका थिए ।
कोरोना लागेको पुष्टि भएसँगै क्रिमसन अस्पतालले कोरोना विशेष अस्पतालमा सार्न आग्रह गरेको थियो । तर, उनको जटिल अवस्था र कोरोना विशेष अस्पतालमा भेन्टिलेटर अभाव भएपछि उनलाई क्रिमसनकै आईसीयूमा राखिएको थियो ।
प्रतिक्रिया