१० चैत्र २०७९, शुक्रबार | March 25, 2023

देशभरका क्वारेन्टाइनस्थलप्रति प्रधानमन्त्री असन्तुष्ट, तत्काल सुधार गर्न निर्देशन



काठमाडौं । प्रधानमन्त्री केपी शर्मा ओलीले मुलुकभरका क्वारेन्टाइनको अवस्था तत्काल सुधार गर्न निर्देशन दिनुभएको छ ।

कोभिड–१९ क्राइसिस म्यानेजमेन्ट सेन्टर (सीसीएमसी अप्स) को कार्यालयमा पहिलो पटक पुग्नुभएका प्रधानमन्त्री ओलीले क्वारेन्टाइन केन्द्रहरुको अवस्था उदेकलाग्दो देखिएको भन्दै तत्काल सुधार्न निर्देशन दिनुभएको हो ।

प्रधानमन्त्री तथा मन्त्रिपरिषदको कार्यालयका सचिव समेत रहेका सीसीएमसी अप्सका संयोजक महेन्द्रप्रसाद गुरागाईँले ओलीलाई अहिलेको अवस्थाबारे ब्रिफिङ गर्नुभएको थियो ।

त्यसक्रममा सीसीएमसीले स्वास्थ्य सेवा तथा उपचार, आपूर्ति तथा अत्यावश्यक सेवा कार्य, शान्ति सुरक्षा कार्य र सूचना तथा प्रविधि कार्यको काम, कारबाहीबारे ओलीलाई जानकारी गराइएको थियो ।

त्यसक्रममा जेठ २० मा लकडाउन सकिएपछिको रणनीतिबारे पनि छलफल भएको थियो ।

प्रधानमन्त्री ओलीले विदेशबाट ल्याउनुपर्ने अवस्थाका नागरिकबारे चासो राख्नुभएको थियो । सबै संरचना तयार गरेपछि मात्र कति नागरिकलाई ल्याउन सकिन्छ भन्ने यकिन हुनसक्ने बारेमा प्रधानमन्त्री ओलीलाई जानकारी गराइएको थियो ।

कोभिड–१९ भाइरसको महामारी नियन्त्रण, रोकथाम तथा प्रतिकार्यका लागि सरकारले क्राइसिस म्यानेजमेन्ट सेन्टर स्थापना गरेको थियो ।

प्रकाशित मिति : ७ जेष्ठ २०७७, बुधबार  ७ : ०७ बजे

भैरहवामा पहिलो पटक इण्डो–नेपाल बक्सिङ खेल

भैरहवा । शनिबार भैरहवामा इण्डो(नेपाल बक्सिङ खेलको आयोजना हुने भएको

बीपीसीको विद्युत् महसुल निर्धारण प्रस्तावमा जनप्रतिनिधिको असन्तुष्टि

बुटवल । बुटवल पावर कम्पनी लिमिटेडले विद्युत् नियमन आयोगसमक्ष विद्युत्

कञ्चपुरकी एक महिलाको बाघको आक्रमणबाट मृत्यु

धनगढी । नेपालको कैलाली(कंचनपुरसंग सीमा जोडिएको दुधवा नेसनल पार्क भित्र

आम जनता पार्टी र माओवादी समाजवादीबीच एकता

काठमाडौं । प्रभु साह नेतृत्वमा आम जनता पार्टी र नेकपा

बागमती प्रदेशका मुख्यमन्त्री जमकट्टेललाई विश्वासको मत प्राप्त

हेटौँडा । बागमती प्रदेशको मुख्यमन्त्री शालिकराम जमकट्टेलले विश्वासको मत प्राप्त