काठमाडौं । प्रदेश ५ का मुख्यमन्त्री एवं नेपाल कम्युनिष्ट पार्टी (नेकपा)का स्थायी कमिटी सदस्य शंकर पोखरेलले भारतीय मिडियाले नेपाल- भारत सीमाबारे गलत र भ्रामक समाचार सम्प्रेषण गरेर भारतीय जनतालाई नै गुमराहमा राखेको बताउनुभएको छ ।
मुख्यमन्त्री पोखरेलले भारतीय मिडियाले सीमासम्बन्धी विवादको आधार र पृष्ठभूमिका बारेमा भारतीय जनातालाई गुमराहमा राखेको बताउनुभएको छ ।
पोखरेललेले फेसबुकमा लेख्नुभएको छ, भारतिय मिडियामा जुनप्रकारको छटपटी देखिदैछ त्यसले कालापानी क्षेत्रको नेपालको दावीलाई नै बलियो देखाउछ । यदी नेपालको दावी कमजोर र आधारहिन भएकोभए भारतीय मिडिया यति निम्न स्तरको वहसमा उत्रनुपर्ने थिएन, नेपाललाई चीनले उचालेर नक्सा सार्वजनिक गरेको भनेर कुतर्क गर्नुपर्ने थिएन ।’
पोखरेलले भन्नुहुन्छ, ‘ भारतीय मिडियाले नेपाल पक्षको दावीको आधार प्रस्तुत नगरी एकलौटी भारतीय भूमिलाई नेपालले आफ्नो नक्सामा देखायो भनिरहेका छन् । उनीहरु यस विवादको आधार र पृष्ठभूमिका वारेमा भारतीय जनतालाई गुमाराहमा राखिरहेका छन् । त्यही भएर त सम्माननीय प्रधानमन्त्रीले भारतको प्रतिक चिन्हलाई संकेत गर्दै भन्नु परेको हो –‘सत्यमेव जयते कि सिंहमेव जयतेु ? आशा गरौ सत्यमेव जयते नै हुनेछ ।’
मुख्यमन्त्री पोखरेलले भारतले त पाँचपर्ष पहिले नै चीनलाई उक्त सडकवाट व्यापारगर्न सहमत गराएको तर नेपालकोआधार बलियो भएको र नेपालले तत्काल असहमती जनाएका कारणले चीनले यतिवेला द्विपक्षीय वार्तावाट समस्या समाधानगर्न भन्नु परेको पनि जिकिर गर्नुभएको छ ।
प्रतिक्रिया