१३ मंसिर २०७९, मंगलबार | November 29, 2022

खुला सिमाका कारण दैनिक हजारौं मानिस भित्रिँदा क्वारेन्टाइनमा समस्या



काठमाडौं । खुला सीमानाका कारण भारतबाट दिनदिनै हजारौँ नागरिक नेपाल भित्रिँदा क्वारेन्टाइन व्यवस्थापनमा समस्या देखिएको छ ।
नेपालमा कोरोना संक्रमणको जोमिख बढिरहेका बेला खुला सीमानाका कारण भारतबाट हजारौँ मानिस नेपाल भित्रिदा व्यवस्थापनमा समस्या देखिएको हो ।

स्थानीय तहहरुले निश्चित क्वारेन्टाइन व्यवस्थापन गरेपनि ठूलो संख्यामा नेपाली भित्रिने क्रम नरोकिएपछि व्यवस्थापनमा समस्या देखिएको स्वास्थ्य तथा जनसंख्या राज्यमन्त्री नवराज रावतले बताउनुभयो ।

नेपालमा रहेका भारतीय नागरिकलाई नेपालमै र भारतमा रहेका नेपाली नागरिकलाई भारतीय क्वारेन्टाइनमै व्यवस्थापन गर्ने समझदारी बनेपनि त्यसो हुन नसक्दा चुनौती थपिएको उहाँले बताउनुभयो ।

शहरी विकास मन्त्रालयमा क्वारेन्टाइन सञ्चालन र व्यवस्थापन मापदण्डका विषयमा भएको छलफलमा शहरी विकास राज्यमन्त्री रामवीर मानन्धरले होटल तथा रिसोर्टहरुलाई क्वारेन्टाइनका रुपमा व्यवस्थापन गर्न सकिने बताउनुभयो ।

प्रधानमन्त्रीलाई वैशाख ७ गते नै उक्त सुझाव बुझाइएको उल्लेख गर्दै उहाँले विदेशबाट आउने नागरिकहरुको उचित व्यवस्थापन गर्न होटलहरुलाई क्वारेन्टाइनका रुपमा व्यवस्थापन गर्नुपर्ने बताउनुभयो । खालि रहेका होटलहरुलाई निश्चित रकम तिरेर भएपनि जीवनरक्षाका लागि प्रयोग गर्न सकिने उहाँले बताउनुभयो ।

गृहमन्त्रालयका उपसचिव गोमादेवी चेमजोङले होटल तथा लजहरुलाई पहिलो प्राथमिकतामा राखेर क्वारेन्टाइन निर्माण गर्नुपर्ने बताउनुभयो । होस्टेल, सामुदायिक भवन र तालिम केन्द्रहरुलाई पनि क्वारेन्टाइनका रुपमा विकास गर्न सके सहज हुने उहाँले बताउनुभयो ।

निश्चित रकम तिरेर भएपनि क्वारेन्टाइनमा बस्छु भन्ने र पैसा तिर्न नसक्ने सम्भावित संक्रमितहरुलाई वर्गिकरण गरेर अगाडी बढ्नुपर्ने सुझाव उहाँले दिनुभयो । अवस्था भयावह भए क्वारेन्टाइन निर्माणका लागि खुला मैदानको पहिचान री अन्तरमन्त्रालय समन्वय गर्नुपर्ने उहाँले बताउनुभयो ।

पर्यटन मन्त्रालयका सचिव केदारबहादुर अधिकारीले धेरै ठाउँमा खानेपानीको समस्या रहेको बताउनुभयो । उपत्यका बाहिरका अधिकांश क्वारेन्टाइनहरुमा सञ्चार सुविका व्यवस्थापन नहुदा मान्छेहरु डराउने, एक्लोपन महसुस गर्ने समस्या देखिएको र भाग्ने गरेका घटना देखिने गरेको उहाँले बताउनुभयो । उहाँले बजेट व्यवस्थापनमा देखिएको समस्या समाधानका लागि पनि आग्रह गर्नुभयो ।

विदेशबाट आउन चाहाने नागरिकहरुको तथ्याङ्क परराष्ट्र मन्त्रालयले तयार गर्नुपर्ने सुझाव पनि बैठकमा सहभागिहरुले दिएका छन् । स्थानीय तहहरुले आफ्नो क्षेत्रभित्रका व्यक्तिहरुको तथ्याङ्क एकिन गरेर क्वारेन्टाइनलाई व्यवस्थापन गर्नुपर्ने सुझाव सहभागिहरुको छ ।

प्रकाशित मिति : ८ जेष्ठ २०७७, बिहिबार  ६ : १९ बजे

निर्वाचनको समीक्षा गर्न एकीकृत समाजवादीको बैठक जारी

काठमाडौं। आमनिर्वाचनपछि राष्ट्रिय दल बन्न संघर्षरत नेकपा एकीकृत समाजवादीको बैठक बसिरहेको

अशान्त थापाथली बस्ती : रातभर जाग्राम, दिनभर धर्नामा

काठमाडौं । सोमबार दिउँसो काठमाडौं महानगरेको टोली डोजरसहित थापाथलीको सुकुम्बासी

स्मार्टच्वाईस टेक्नोलोजिज र एभरेष्ट बैंकवीच स्मार्ट क्यूआर मार्फत भुक्क्तानी सेवा संचालनको लागि सम्झौता

काठमाडौँ । नेपाल राष्ट्र बैंकबाट भुक्तानी प्रणाली संचालनको अनुमती प्राप्त

‘घ’ वर्गका लघुवित्त वित्तीय संस्थाको लाभांशमा केन्द्रीय बैंकको कडाई

काठमाडौं । नेपाल राष्ट्र बैंकद्वारा लघुवित्त वित्तीय संस्थाहरूको लाभांशमा थप कडाइ

प्रतिस्पर्धाका आधारमा सौर्य ऊर्जा खरिद गर्दै प्राधिकरण

काठमाडौं । नेपाल विद्युत् प्राधिकरणले प्रतिस्पर्धाका आधारमा एक सय मेगावाट