२१ संक्रमितको अस्पतालबाट डिस्चार्ज, थप १४ दिन होम क्वारेन्टाईनमा बस्नुपर्ने

खजुरा । बांकेका्े खजुरा स्थित सुशिल कोईराला क्यान्सर अस्पतालमा उपचारत २१ जना संक्रमितहरु आज कोरोनालाई पराष्ट गर्दै अस्पतालबाट बिदा भएकाछन् ।

बांकेका पहिलो ६० बषिर्य संक्रमित सहित २१ जनाको दास्रो पटकको कोरोना परिक्षण नेगेटिभ आएपछि उनीहरुको डिस्चार्ज गरिएको हो । उनीहरुले अस्पतालमा २० र २१ दिन पुरा गरेका छन् ।

अस्पतालबाट बिदाई गर्न भेरी अस्पतालका मे सु प्रकाश थापा, खजुरा गांउ पालिकाका अध्यक्ष किस्मत कुमार कक्षपति लगायत अस्पताल पुग्नुभएको थियो । उनीहरुलाई डाक्टर थापाले फुल खादा ओढाएर बिदाई गर्नुभएको थियो ।

अस्पतालबाट बिदाई भएपनि उनीहरु १४ दिन क्वारेन्टाईनमा बस्नुपर्ने छ । उनीहरुलाई होम क्यारेन्टाईनमा बस्ने सर्त सहितको कागज गराई डिस्चार्ज गरिएको स्वास्थ्य कार्यालय बांकेको कोरोना फेकल पर्सन नरेश श्रेष्ठले बताउनु भयो ।

अन्यस्थानमा आईसोलसन निर्माण गर्नेकार्यको बिरोध गरेपनि खजुरामा क्यान्सर अस्पताल निर्माण गर्न स्थानीय जन प्रतिनिधिहरुले सक्रिय भुमिका खेलेका थिए । अस्पतालमा हाल ३६ वटा सुबिधा सम्पन्न बेड रहेको छ ।