पाकिस्तानले जम्मु कास्मिरलाई भारतको क्षेत्रभित्र पर्ने गरी कुनै नयाँ नक्शालाई जारी नगरेको स्पष्ट पारेको छ ।
कोरोना भाइरसको संक्रमणबारे जानकारी गराउन पाकिस्तानले आफ्नो देशको नयाँ नक्शा प्रकाशित गरेको र त्यो नक्शामा पाकिस्तान प्रशासति जम्मु कास्मिरलाई भारतमा देखाइएको भन्दै भारतीय संचारमाध्यमले हर्ष बढाईं गरेका थिए ।
तर, पाकिस्तानको विदेशमन्त्रालयले भारतीय संचारमाध्यमले गलत नक्शा सार्वजनिक गरेर पाकिस्तानको बद्नाम गरेको भन्दै आफ्नो देशविरोधी कुनै पनि गतिविधि नगर्न भारतलाई चेतावनी दिएको छ ।
बुधबार भारतीय समाचार टेलिभिजनहरुले पाकिस्तानले जम्मु कास्मिरको हिस्सा भारतभित्र पारेर नक्शाबाट पाकिस्तानले आत्मसमर्पण सुरु गरेको भन्दै हर्षबढाईं गरेका थिए ।
भारतीय संचारमाध्यमहरुले पाकिस्तान विरुद्ध सधैंभर फेक न्यूज प्रकाशित गर्दै आएको पाकिस्तानले टिप्पणी गरेको छ ।
भारतीय सं्रचारमाध्यमहरुले यतिबेला नेपालबारे पनि गलत र भ्रामक समाचार प्रसारण गरिरहेका छन् । छिमेकीसँगको सम्बन्ध बिगार्नमा भारतीय संचारमाध्यमको भूमिका महत्वपूर्ण हुँदै आएको छ ।
प्रतिक्रिया