काठमाण्डौ । पाकिस्तानमा यात्रुबाहक बिमान दुर्घटना भएको छ । पाकिस्तान अन्तर्राष्ट्रिय एयरलाइन्स [पीआईए] को ए३२० एयरबस शुक्रबार कराँचीस्थित जिन्नाह अन्तर्राष्ट्रिय विमानस्थल नजिकै दुर्घटनाग्रस्त बनेको हो ।
पीआईएका प्रवक्ता अब्दुल सत्तारले दुर्घटनाको पुष्टि गर्दै विमान नम्बर ८३०३ मा ९० यात्रु र ८ जना चालक दलका सदस्य रहेको जानकारी दिएको । द डन न्युज टिभीका अनुसार विमान लाहोरबाट कराँची आइरहेको समाचारमा उल्लेख गरिएको छ ।
कोरोनाभाइरसको महामारीका कारण बन्द रहेको हवाई सेवालाई सुचारु गरिए लगत्तै यो दुर्घटना भएको हो ।सामाजिक सञ्जालमा दुर्घटनास्थलबाट बाक्लो धुँवाको मुस्लो निस्किरहेको देख्न सकिन्छ ।
यसअघि, सन् २०१६ मा पाआईए कै विमान उत्तरी पाकिस्तानबाट इस्लामावादसम्मको उडान भर्ने क्रममा आगलागी भएर ४७ जनाले ज्यान गुमाएका थिए ।
प्रतिक्रिया