बुटवल । सरकारले मुस्लिम धर्मालम्बिहरुको सबैभन्दा ठुलो पर्व ईल उल फित्रका दिन सार्वजानिक बिदा दिने भएको छ ।
गृह मन्त्रालयले आज एक बिज्ञप्ति प्रकाशित गर्दै मन्त्रालयले ईदका दिन सार्वजानिक बिदा दिने जानकारी दिएको छ । मुस्लिम समुदायले बर्षौदेखि माग्दै आएको ईदको बिदा यस पटक सरकारले पुरा गरिदिएको छ ।
चन्द्रमा देखिएपछि मनाईनुपर्ने ईद उल फित्रको पुर्वनिर्धारित दिन तय नहुने हुंदा बिदा दिने दिनका बिषयमा अन्यौलता रहंदै आएको थियो । यसवर्ष नेपालको धर्म अगुवा तथा मुस्लिम धर्मगुरुहरुको सल्लाह अनुसार ११ गते ईद मनाउने निर्णय भए अनुसार आईतबार बिदा घोषणा गरिएको बताईएको छ ।
१ महिना ब्रत बसेर त्यस पछि मनाईने ईद उल फित्रका दिन मिठो खाने , नयां लुगा लगाउने र गरिव असहायहरुलाई दान दक्षिणा गर्ने समुदायमा प्रचलन रहंदै आएको छ । हरेक वर्ष स्थानीय इदगाहामा पुगेर नमाज पढेर मनाईने ईद यस वर्ष भने लकडाउनका कारण घर भित्रै बसेर नमाज पढ्न धर्मगुरुहरुले आह्वान गरेकाछन् ।
मस्लिम समुदायले १ महिनाको ब्रतको अवधिमा पढिने नमाज र तराबि पनि यो वर्ष घरघरमै पढेर पुरा गरेकाछन् । मुस्लिमहरुले ब्रत चलेको बेला दिनमा ५ पटक नमाज पढ्ने गर्दछन् ।
प्रतिक्रिया