१६ चैत्र २०८०, शुक्रबार | March 29, 2024

त्रिवि शिक्षण अस्पताल र ग्राण्डी अस्पतालका बिरामीमा कोरोना संक्रमण, ग्राण्डी अस्पताल सिल



काठमाडौं । काठमाडौंको महाराजगन्जस्थित त्रिवि शिक्षण अस्पताल र धापासीस्थित ग्राण्डी अस्पतालमा उपचाररत एक एक बिरामीमा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयले शनिबार बिहान सार्वजनिक गरेको कोरोना तथ्याङ्क अनुसार काठमाडौं र मकवानपुरका एक एक जना कोरोना संक्रमित यी दुई अस्पतालमा उपचाररत रहेको पुष्टि भएको हो ।

शिक्षण अस्पतालको मनमोहन कार्डियो थोरासिक भास्कुलर एण्ड ट्रान्सप्लान्ट सेन्टरमा उपचाररत ५४ वर्षीया महिलामा कोरोना संक्रमण पुष्टि भएको त्रिवि शिक्षण अस्पतालले जनाएको छ । ती महिलालाई गणेशमान भवनस्थित आइसोलेसन केन्द्रमा सारिएको छ ।

हेटौंडा उपमहानगरपालिका हुप्राचौरकी ती महिलालाई हेटौंडा अस्पतालले त्रिवि शिक्षण अस्पतालमा रेफर गरेको थियो ।

यस्तै, काठमाडौंमा कोरोना संक्रमण पुष्टि भएका अर्का व्यक्ति ग्रान्डी अस्पतालमा उपचाररत बिरामी भएको खुलेको छ।

३५ वर्षीय पुरुषले ग्राण्डीमा उपचार गराइरहेका थिए । उनलाई टेकुस्थित शुक्रराज ट्रपिकल तथा सरुवा अस्पतालको आइसोलेसनमा ल्याउने तयारी भइरहेको छ।

उपचाररत बिरामीमा कोरोना संक्रमण पुष्टि भएपछि ग्राण्डी अस्पताल सिल गर्न लागिएको छ ।

दुवै संक्रमितको कन्ट्याक्ट ट्रेसिङ सुरु भएको छ ।

प्रकाशित मिति : १० जेष्ठ २०७७, शनिबार  १२ : ४४ बजे

राजस्व बाँडफाँटका सूचकहरू पुनरावलोकन भइरहेका छन् : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्षमा तीन

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी

काठमाडौं । उद्योग, वाणिज्य तथा आपूर्तिमन्त्री दामोदर भण्डारीले राज्यका सबै

पाल्पा ख्याहाकी १९ वर्षीया पद्मा सुनारको हत्या गर्ने सार्वजनिक

तानसेन । पाल्पाको रिब्दिकोट गाउँपालिका १ ख्याहाकी १९ वर्षीया पद्मा

कपनबाट पेस्तोलसहित एकजना पक्राउ

काठमाडौं । नेपाल प्रहरीले कपन क्षेत्रबाट पेस्तोलसहित एकजनालाई पक्राउ गरेको

भारतमा ट्याक्सी दुर्घटना हुँदा दशको मृत्यु

भारत । भारतको जम्मु र श्रीनगर राष्ट्रिय राजमार्गमा पर्ने गहिरो