चीनमा पहिलो पटक कोरोना संक्रमण संख्या शुन्य

कोरोना भाइरस पहिलोपटक फैलिन सुरु गरेको चीनमा संक्रमण अत्यन्त कम हुँदै गएको छ । पछिल्लो २४ घण्टामा चीनमा यौटा पनि कोरोना संक्रमणको केस नदेखिएको चिनिया अधिकारीहरुले जनाएको छ ।

चीनको बुहानबाट सुरु भएको कोरोना महामारीले यतिबेला विश्वभर फैलिएको छ । तर, मार्चदेखि नै चीनमा संक्रमणका घटना कम हुँदै गएको थियो ।
चीन सरकारको निर्देशनमा सुरु गरिएका प्रतिबन्ध जनस्तरमा प्रभावकारी ढंगले पालना गरिएका कारण चीनमा संक्रमण कम भएको हो ।

यद्यपी, विदेशबाट चीन फर्किएका चिनिया नागरिकहरुबाट पछिल्लो दिनमा संक्रमण बढेको थियो । पूर्वोत्तर चीनको जिलिन र हेइलाङजियाङ प्रान्त संक्रमणको केन्द्र बनेको थियो । बुहाउनमा पनि मे महिनाको सुरुमा संक्रमणका केही केस देखिएको थियो । त्यसपछि शहरमा रहेका सबै एककरोड १० लाख नागरिकको १० कोरोना टेस्ट गरिएको थियो ।

यद्यपी, बुहानमा गत अप्रिल ८ देखि नै ७६ दिनको लकडाउन हटाइएको थियो ।