काठमाण्डौ । आज मुस्लिम धर्मालम्बिहरुको सबैभन्दा ठुलो पर्व ईद उल फित्र अर्थात इद । नेपालमा रहेका इस्लाम समुदायले धुमधामकासाथ आज इद मनाईरहेकाछन् ।
मुस्लिम धमालम्बिहरुको महान पर्वका अवसरमा राष्ट्रपति बिद्यादेबी भण्डारीले शुभकामना ब्यक्त गर्नुभएको छ । राष्ट्रपति भण्डारीले शुभकामनामा इद उल फित्रले विश्वका विभिन्न स्थानमा रहेका नेपालीको धार्मिक तथा सांस्कृतिक विविधताबीच आपसी सद्भाव, सहिष्णुता, भ्रातृत्व र पारिस्परिक सहयोगलाई थप प्रगाढ तुल्याउन प्रेरित गर्ने बताउनुभएको छ ।
इस्लाम धर्मावलम्बीले मनाउँदै आएको महान् पर्वका अवसरमा उहाँले स्वदेश तथा विदेशमा रहनुभएका सम्पूर्ण नेपाली इस्लाम धर्मावलम्बीमा सुख, शान्ति, समृद्धि, सुस्वास्थ्य तथा दीर्घायुको कामना गर्नुभएको छ ।
राष्ट्रपति भण्डारीले कोभिड–१९ को महामारीले आक्रान्त पारिरहेकाले यस महामारीबाट बच्न नेपाल सरकारले लागू गरेको स्वास्थ्यसम्बन्धी नियमको पालना गर्नु सबै नेपालीको कर्तव्य भएको पनि सन्देशमा उल्लेख गर्नुभएको छ । सबैले संयम र धैर्यका साथ सरकारको आह्वानबमोजिम लकडाउन पालना गरी घरभित्रै रहेर सुरक्षित बनेर पर्व मनाउने पनि उहाँले विश्वास व्यक्त गर्नुभएको छ ।
१ महिना ब्रत पछि मनाईने इदमा उस वर्ष नेपाल सरकारले सार्वजानिक बिदा समेत दिएको छ । मुस्लिम परम्परा अनुसार १ महिनाको ब्रत पछि देखिने पहिलो चन्द्रमालाई हेरेपछि रमजानको महिना समाप्त हुन्छ ।
चन्द्रमा देखिएको दोस्रो दिन मुस्लिम धर्मालम्बीहरुको सबै भन्दा ठूलो पर्व ईद उल फित्र सुरु हुने गर्दछ । ब्रतकै बिच मुसलमानहरुले बर्ष भरी गरेको आम्दानीबाट २.५ प्रतिशत निकाली गरिव तथा असहायलाई बांड्नु पर्दछ । यसरी बांडिने दानलाई समुदायमा जकात भन्ने गरिन्छ ।
जकातबाटै निश्चित रकम छुट्याएर ईदको दिन फित्र दान गरेपछि ईदगाहामा नमाज पढेर ईद पर्व मनाउने गरिन्छ । ईदमा गच्छे अनुसार बिभिन्न परिकारहरु बनाई छरछिमेक, इष्टमित्रलाई बोलाई इदी खुवाउने चलन समेत रहेको छ । रमजानको महिना खानामा मात्र नभएर जिवशैलीका हरेक बिषयमा अनुसानको ब्यवस्था गरिएको मुस्लिम अगुवा मेराज अहमदले जानकारी दिनुभयो ।
तर यसवर्ष कोरोना कहरका कारण इस्लामहरुले न त ब्रतमा मस्जिदमा गएर नामज पढे न तराबी । आज पनि ईदगाहा मस्जिदमा नगई घरघरमै नमाज पढेर पर्व मनाउन धर्मगुरुहरुले आह्वान गरेकाछन् ।
प्रतिक्रिया