काठमाडौं । प्रधानमन्त्री केपी शर्मा ओलीले लकडाउनलगायत विभिन्न विषयमा छलफल गर्न बुधबार दिउँसो चार बजे विज्ञहरुलाई बालुवाटार बोलाउनु भएको छ ।
उहाले खासगरी आर्थिक, सामाजिक, स्वास्थ्यलगायत क्षेत्रका २५ जना विज्ञलाई छलफलका लागि बालुवाटार बोलाउनुभएको हो । उक्त छलफलपछि मात्रै लकडाउनको मोडालिटीबारे निर्णय लिइने बुझिएको छ ।
सरकारले कोरोना भाइरस नियन्त्रणका लागि जेठ ३२ गतेसम्म लककडाउन लम्ब्याए पनि नेपालमा संक्रमितहरुको संख्या बढिरहेको छ ।
कोरोना भाइरसको संक्रमण नियन्त्रणको नाममा लकडाउन मात्र बढाउने भन्दै जतासुकैबाट असन्तुष्टि व्यक्त हुन थालेपछि सरकारले लकडाउनको मोडल परिर्वतन गर्ने गृहकार्य थालेको छ ।
यद्यपि लकडाउनको मोडालिटी परिवर्तन गर्न र आर्थिक गतिविधि सुरु गर्न सरकारमाथि दबाब परिरहेको छ।
प्रतिक्रिया