कोरोना संक्रमण देखिएपछि काठमाडौं मेडिकल कलेज शिक्षण अस्पताल बन्द

काठमाडौं । अस्पतालका स्वास्थ्यकर्मीमा कोरोना भाइरसको संक्रमण पुष्टि भएपछि काठमाडौंका सिनामंगलस्थित काठमाडौं मेडिकल कलेज शिक्षण अस्पतालले आकस्कि बाहेकका सबै सेवा बन्द गरेको छ ।

अस्पतालले आज एक सूचना जारी गर्दै अर्को सूचना नभएसम्म सबै सेवा बन्द गर्ने निर्णय गरेको हो । हिजो काठमाडौं मेडिकल कलेजका दुई जना स्वास्थ्यकर्मी र दुई जना बिरामीलाई कोरोना पुष्टि भएको थियो ।

अस्पताल संचालन भैरहे बिरामी र कर्मचारीलाई संक्रमण जोखिम बढ्ने भन्दै अस्पतालले उपचार सेवा बन्द गर्न बाध्य भएको जनाएको छ ।